Şyǧys Qazaqstan oblysynda ekı zeinetkerdı qatygezdıkpen öltırdı degen küdıkpen 37 jastaǧy er adam ūstaldy, dep habarlaidy “Adyrna” ūlttyq portaly Stan.kz saityna sılteme jasap.
2021 jyldyŋ 25 qaŋtarynda Şyǧys Qazaqstan oblysy Altai audany Pribrejnoe auylynyŋ tūrǧyndary körşılerınıŋ üiı örtenıp jatqanynan oianyp ketken.
Oqiǧa ornyna kelgen ört söndıruşıler jalyndy söndırıp üige kırgen soŋ, qorqynyşty körınıstıŋ kuäsı boldy.
Edende zorlyq-zombylyqpen öltırılgen 83 jastaǧy äiel men 74 jastaǧy er adamnyŋ jartylai küigen mäiıtterı jatqan. Olardyŋ denesınde köptegen pyşaq jaraqaty bolǧan.
Atalǧan derek boiynşa qylmystyq kodekstıŋ 99-baby 2-bölıgı ("adam öltıru") boiynşa sotqa deiıngı tergeu bastaldy.
Polisiianyŋ habarlauynşa, qazan aiynda qylmysqa qatysy bar küdıktı anyqtaldy. Jäbırlenuşılerdı jaqtyrmaǧan 37 jastaǧy er adam kısı öltırgen soŋ üidı ädeiı örtep, oqiǧa ornynan qaşyp ketken.
Er adam üi ışındegı perdege ot qoiǧanyn aitty. Al qylmys qaruyn üidıŋ maŋyna laqtyryp ketken.
Qazır küdıktı qamauda, sotqa deiıngı tergeu jalǧasyp jatyr.
“Adyrna” ūlttyq portaly
