اتىراۋدا قارجى پيراميداسىن قۇرعان زەينەتكەر جازاسىن شارتتى تۇردە وتەيدى

اتىراۋ وبلىستىق سوتىنىڭ ءباسپاسوز قىزمەتى حابارلاعانداي، اسا ءىرى مولشەردە اقشا قارجى پيراميداسىن قۇردى. سوتتالۋشىعا قر قىلمىستىق كودەكستىڭ 217-بابىنىڭ 3-بولىگىنىڭ 2-تارماعىمەن ايىپ تاعىلىپ وتىر.

«سوتتالۋشى ت. رەسەي فەدەراتسياسىنىڭ ازاماتى د-نىڭ „The Finiko“ كومپانياسىن قۇرعانىن ءبىلىپ، ءبىر توپ اداممەن الدىن الا ءسوز بايلاسىپ، وعان قوسىلۋعا جانە كومپانيا اتىنان ارەكەت جاساۋعا شەشىم قابىلداعان. ءوزىنىڭ قىلمىستىق جوسپارىن جۇزەگە اسىرۋ ماقساتىندا ارەكەتىنىڭ زاڭسىزدىعىن بىلە تۇرا اقپاراتتىق مەحانيزمدى ىسكە قوسقان. الەۋمەتتىك جەلى ارقىلى وزىنە جاقىن ادامدار اراسىنان كومپانياعا سالىمشىلاردى تارتۋعا باعىتتالعان ارەكەتىن جۇزەگە اسىرعان. ول قازاقستان رەسپۋبليكاسىنىڭ اۋماعىندا „The Finiko“ كومپانياسىنىڭ حالىقپەن جۇمىس ىستەۋ تاجىريبەسى بار ەكەنىنە كوز جەتكىزىپ، كومپانيانىڭ قۇرىلىمدىق بولىمشەسىن باسقارۋعا شەشىم قابىلداعان»، — دەپ حابارلادى وبلىستىق سوتتىڭ ءباسپاسوز قىزمەتى.

قاريا اتالعان كومپانياعا 19 جابىرلەنۋشىنى شاقىرعان. ولار 108 ملن تەڭگەدەن اسقان قارجىلىق زالال كەلتىرىپ وتىر.

دەگەنمەن زەينەتكەر تەرگەۋ بارىسىندا 93 ملن تەڭگە زالالدى تولتىرعان. قالعان سۋمما شامامەن 15 ملن تەڭگە.