Qazaqstandyq seismologtar Atyrau oblysy aumaǧynda jer sılkınısın tırkedı, dep habarlaidy “Adyrna” ūlttyq portaly.
Qazaqstan Ūlttyq derekter ortalyǧynyŋ jedel mälımetı boiynşa, jerasty dümpulerı 10 säuır künı saǧat 01:40-ta (Astana uaqytymen) tırkelgen. Jerasty qozǧalysynyŋ episentrı Kūlsary qalasynan oŋtüstık-şyǧysqa qarai 120 şaqyrym jerde ornalasqan.
Seismikalyq dümpudıŋ magnitudasy — 4,3; energetikalyq klasy — 9,1 bolǧan.
Äzırge zardap şekkender men qiraǧan nysandar turaly aqparat tüsken joq.
Aita keteiık, būǧan deiın 28 nauryzǧa qaraǧan tünı Jambyl oblysynyŋ bırneşe audanynda jer sılkınısı tırkelıp, Merke auylynda 5 baldyq, Külan auylynda 4 baldyq, al Taraz, Şu, Qordai jäne Moiynqūm audandarynda 2 baldyq dümpuler baiqalǧan edı.
Sol künı tüsten keiın taǧy bır jerasty qozǧalysy oryn alǧan. Europalyq Jerorta teŋızı seismologiialyq ortalyǧynyŋ deregı boiynşa, magnitudasy 5,0 jer sılkınısı Merke auylynan oŋtüstık-batysqa qarai 20 şaqyrym jerde tırkeldı.
Jambyl oblysynda bolǧan qos sılkınıstıŋ saldarynan ekı audannyŋ 20-dan astam nysanyna zaqym kelgen bolatyn. Qazır öŋırde seismikalyq ahualdy baqylau jäne taldau jūmystary jalǧasyp jatyr.
Ūqsas jaŋalyqtar
