Almaty men Atyrau qalalaryndaǧy beinebaqylau kameralaryna özgerıs engızıldı. Bas prokuratura elımızdıŋ barlyq qalasynda bet-älpetın tanu üşın jasandy intellekt qosylatynyn mälımdedı, - dep habarlaidy "Adyrna" ūlttyq portaly.
Bet-älpetın tanu jüiesın engızu turaly Qazaqstannyŋ Bas prokurory Berık Asylov H äleumettık jelısındegı paraqşasynda habarlady.
Berık Asylovtyŋ aituynşa, Bas prokuratura sot törelıgınen jasyrynǧan adamdardy ızdestıru barysyna qadaǧalaudy küşeitken.
Biyl beinebaqylau kameralaryna özderı monitoring jasau arqyly 53 qaşqyndy tanyp, ūstau şaralaryn qabyldaǧan. Al kameralardaǧy jasandy intellekt jüiesı äzırge ekı qalada ıske qosylǧan.
"Biyl tamyzdan bastap Almaty men Atyrau qalalaryndaǧy beinebaqylau kameralaryna bız qaşqyn qylmyskerlerdı, boryşkerlerdı jäne habar-oşarsyz ketkenderdı avtomatty türde tanu boiynşa AI elementterımen IT-äzırleudı qostyq. Ekı kün ışınde tergeuden jasyrynǧan 2 adam jäne habar-oşarsyz ketken 2 adam tanyldy", - dedı Berık Asylov.Bas prokuror Jİ kameralarynyŋ kömegımen jas pen syrt kelbettıŋ özgeruıne qaramastan adamdardy tauyp, ızdeu şaralaryn küşeituge bolatynyn jetkızdı. "Prokurorlarǧa jüienı barlyq öŋırlerge engızu tapsyryldy. Qazır 9 myŋnan astam adam ızdestırılıp jatyr, onyŋ 2,2 myŋy qylmysker jäne 2 myŋy habarsyz joǧalǧandar".
Ūqsas jaŋalyqtar
