Atyrau oblysyndaǧy Jangeldin auylynda bır otbasynyŋ qazasyna bailanysty qozǧalǧan qylmystyq ıs boiynşa jaŋa mälımet aityldy, dep habarlaidy «Adyrna» tılşısı.
Oblys prokurorynyŋ kömekşısı Jandar Bolatbek marqūmdardyŋ qyzy Aqbaian Mūqanǧalievaǧa qatysty qylmystyq qudalau toqtatylǧanyn jetkızdı.
«Äieldıŋ kısı öltıru faktısıne qatysy bolmaǧandyqtan, oǧan qatysty qylmystyq qudalau toqtatyldy. Alaida qylmys turaly habarlamaǧany üşın bölek ıs tırkeldı. Degenmen, būl ıs boiynşa älı qūqyqtyq baǧa berılgen joq. Aqbaian Mūqanǧalieva küdıktı retınde tanylmaǧan jäne oǧan eşqandai būltartpau şarasy qoldanylmaǧan»,- dedı ol.
Aituynşa, Almaty qalasynda Mūqanǧalievaǧa qatysty psihiatriialyq saraptama jürgızılgen. Bıraq onyŋ qorytyndysy älı prokuraturaǧa tüspegen.
«Saraptama qorytyndysy daiyn degen aqparat bar, bıraq bız älı alǧan joqpyz. Qūjat tüsken soŋ zertteledı. Qajet bolsa, qosymşa saraptama taǧaiyndalady», – dedı Jandar Bolatbek.
Aita keteiık, Atyrauda bütın bır otbasynyŋ ölımıne qatysty alǧaşqy sot otyrysy 18 mamyrda ötedı. Äulettıŋ būrynǧy küieu balasy Sūltan Särsemäliev sotta 13 epizod boiynşa jauap bermek.
