Almaty qalasynyń Tótenshe jaǵdaılar departamenti (TJD) jer silkinisiniń oshaǵy retinde Ispanııany kórsetip, tek resmı derekterge senýdi suraıdy, dep habarlaıdy “Adyrna” ulttyq portaly QazTagqa silteme jasap.
«Jer silkinisiniń koordınattary s.e. boıynsha 41,22°. b.b. boıynsha 1,78°" – delingen seısenbige qaraǵan túni saǵat 00.30-da Almaty qalalyq Tótenshe jaǵdaılar departamentiniń baspasóz qyzmeti jarııalanǵan habarlamada – bul habarlama qala turǵyndarynyń ózi ǵalamtorda jer silkinisi týraly jaza bastaǵannan keıin jarty saǵattaı ýaqyt ótken soń jarııalandy.
Habarda aıtylǵandaı, jer silkinisiniń oshaǵy «Almatydan ońtústik-shyǵysqa qaraı 264 shaqyrymda Qazaqstan men Qyrǵyzstan shekarasynda» ornalasqan.
Naqtylanǵan málimetter boıynsha epıentrdiń koordınattary 41.22° s. e. 78.65° sh. b.
Degenmen kórsetilgen koordınattar Ispanııa aýmaǵyna qatysty jáne belgilengen núkte Barselonaǵa jaqyn teńizde ornalasqan.
Bir qyzyǵy, bul rette Tótenshe jaǵdaılar qyzmeti tek resmı aqparatqa senýge shaqyrady.
Buǵan deıin Tótenshe jaǵdaılar departamenti Almaty turǵyndary 4 balldyq jer asty dúmpýlerin sezingenin habarlaǵan. Keıin Almatydaǵy jerasty dúmpýleriniń kúshi shyn máninde 5 ball bolǵany belgili boldy.
“Adyrna” ulttyq portaly
