Ulttyq mereke - Respýblıka kúninde qyzylordalyqtarǵa aıryqsha tartý jasaldy. Bir mezette birneshe áleýmettik nysan paıdalanýǵa berilip, balalarǵa qýanysh syılaıtyn jańa sport-oıyn alańdary ashyldy.
Oblys ákimi Nurlybek Nálibaev aımaq turǵyndaryn ulyq merekemen quttyqtap, ıgi tilegin arnady.
- Barsha jerlesterimdi qaıta oralǵan ulttyq merekemiz - Respýblıka kúnimen shyn júrekten quttyqtaımyn! Araǵa 13 jyl salyp, Prezıdentimizdiń Jarlyǵymen Respýblıka kúni Ulttyq mereke bolyp halyqpen qaıta qaýyshty. Bul tarıhı máni joǵary, ıdeologııalyq salmaǵy erek aıtýly kún elimizdiń búgini men erteńine adal qyzmet etetin, eren ister men eleýli bastamalardy jalǵastyratyn barsha azamat úshin mańyzdy,-dedi N.Nálibaev.
Mereıli merekede qoǵamdyq kólikter qatary jańa 40 avtobýspen tolyqty. Buǵan deıin Qyzylorda avtobýs parkine «Ónerkásipti damytý qory» AQ-y arqyly jańadan lızıngke 150 dana avtobýs alýǵa 1,43 mlrd. teńge qarjy bólingen. Sonyń aıasynda ótken aıda 21 jańa avtobýs alyndy. Al, qarasha aıynda qalǵan jańa kólikter keletin bolady.
Óńirde oblys ákiminiń bastamasymen "Balalar jylyna" arnalǵan demeýshilerdiń qoldaýymen quny 1,6 mlrd.teńgeni quraıtyn qala, aýdan ishinde 80 sport-oıyn alańy bir mezette tartý etildi.
Ulttyq mereke - Respýblıka kúni qarsańynda týǵan jerge janashyr meenattyń qarjysy esebinen Jańaqorǵan aýdanynda quny 790 mln. teńgeni quraıtyn zamanaýı demalys parki ashyldy. Al, Syrdarııa aýdanynyń Naǵı Ilııasov aýylynda 350 mln.teńgege "Eńbekshiler alleıasy" boı kóterdi.
Aımaqta bilim salasynyń damýyna tileýles meenat azamattardyń mektep, balabaqsha ashý isine yntasy joǵary. Respýblıka kúninde 300 oryndyq jańa balabaqsha esigin aıqara ashty. Jyl sońyna deıin taǵy 2 memlekettik balabaqsha paıdalanylýǵa beriledi.
Sońǵy 5-6 aıdyń ishinde jergilikti kásipkerler 9 mlrd.teńgege qoldaý kórsetip, aýqymdy jobalardyń júzege asýyna dáneker boldy.
Mereke qurmetine Jalaǵash aýdanynda quny 431 mln. teńgege 200 oryndyq Oqýshylar úıi men 50 oryndyq Óner mektebi, jańa dárigerlik ambýlatorııa paıdalanýǵa berildi. Teńizdi ólke Aral aýdanynda 150 mln. teńgege "Balyqshylar monýmenti" men alleıa el ıgiligine berilýge daıyn.
Bıyl óńirde 4 jańa bilim oshaǵy ashyldy. Jyl sońyna deıin 8 mektep tabystalady. Apatty dep tanylǵan Toqabaı aýylyndaǵy mektep jeke ınvestor esebinen 500 mln.teńge qarjyǵa salynýda. Oqýshylardy tasymaldaý úshin osy oqý jylynda mektepterge 30 avtobýs beriledi.
Oblysta túrik kompanııalarymen birlesken yntymaqtastyq jańa deńgeıge kóterildi. Bıyl qala aýmaǵyn jylý jáne elektrmen tolyq qamtamasyz etetin qýattylyǵy 240 megavatty quraıtyn jylý elektr ortalyǵynyń irgetasy qalandy. Quny 215 mlrd. teńgeden asatyn joba 2025 jyly aıaqtalady. Taǵy bir túrik kompanııasymen jylyna 24 myń tonna qyzanaq pastasyn shyǵaratyn zaýyt salý týraly kelissózder júrgizilýde.
Syr elinde jańa 1,6 mlrd. teńgeni quraıtyn Neke saraıy, 3,7 mlrd. teńgege 1000 oryndyq Óner ortalyǵy, Sol jaǵalaýdyń boıynan 2,7 mlrd. teńgege Qan ortalyǵynyń qurylysy júrýde. Belgili kásipker, meenat Marat Dúısenbaevtyń demeýshiligimen qurylysy bastalǵan quny 1,5 mlrd. teńgeni quraıtyn «Anaǵa taǵzym» ortalyǵy shahardyń ajaryn asha túsedi.
Óńirde salynǵan shyny zaýytynyń kúıdirý peshi qajetti temperatýrasyna jetip, qazan aıynyń 9 kúni alǵashqy synama shyny ónimi óndirildi. Zaýyt aınalasynan 8 ilespe óndiris damıdy. Zaýytta shyny-talshyqty, kompozıttik materıaldar jáne basqa da ónimder shyǵaryla bastaıdy.
Qalanyń negizgi qaqpasy áýejaı da qaıta jańarady. Bolat Ótemuratovtyń tikeleı qoldaýymen quny 12 mlrd. teńge bolatyn "Qorqyt ata" áýejaıynyń jańa termınaly salynýda. Qazirdiń ózinde ózge de demeýshilermen 100 mln.teńgege burynǵy termınaldyń ishki jáne syrtqy árleý jumystary júrgizildi.
Balalar úshin taǵy bir qomaqty syı - Qyzylorda qalasynda zamanaýı úlgidegi «Oqýshylar Saraıy» boı kóteredi.
Aldaǵy 3 jylda aımaqta "Jaıly mektep" jobasy aıasynda quny 70 mlrd. teńgege 15 memlekettik mekteptiń qurylysyn salý josparlanǵan. Onyń ishinde 19,6 mlrd. teńgege keler jyly 9 bilim oshaǵynyń qurylysy bastalady.
Densaýlyq saqtaý salasynda 2 jyl ishinde 27 jańa nysan halyq ıgiligine beriledi. Ortalyq atqarýshy organdarmen birge jasalǵan ornyqty jumystardyń nátıjesinde 36,4 mlrd. teńgege Qyzylorda qalasynan kópsalaly aýrýhana men emhana turǵyndardyń ıgiligine qyzmet etetin bolady.
Aımaqta Respýblıka kúni saltanatty jıynmen qorytyndylanady. Oblystyń áleýmettik-ekonomıkalyq damýyna erekshe úles qosqan azamattar memlekettik nagradamen marapattalady.
©Qyzylorda oblysy ákiminiń baspasóz qyzmeti
"Adyrna" ulttyq portaly
