Qyzylorda qalasynyŋ №2 sotynda äleumettık tölemderdı ūlǧaitu maqsatynda alaiaqtyq äreket jasaǧan ekı adamǧa qatysty qylmystyq ıs qaraldy. Sot olardy Qylmystyq kodekstıŋ 190-babynyŋ 3-bölıgı 1-tarmaǧy jäne 4-bölıgı 2-tarmaǧy boiynşa aiypty dep tanydy, dep habarlaidy “Adyrna”.
Is materialdary boiynşa, ekı azamattyŋ jüktılık, bosanu jäne bala kütımı boiynşa memlekettık äleumettık tölemder aluşylardan jalǧan jūmys oryndaryn körsetu arqyly memleketke şyǧyn keltırgenı anyqtaldy.
“Sottyŋ tergeu barysynda anyqtalǧandai, A. jäne B. arnaiy jospar qūryp, äleumettık tölem aluşylardyŋ atynan jalǧan qūjattar tapsyrǧan. Būl qūjattar arqyly olardyŋ tölemderın ūlǧaituǧa mümkındık jasalǧan. A. men B. qylmystyq äreketterınıŋ saldarynan memleketke jalpy 22 million teŋgeden astam şyǧyn keltırgen.
Sottaluşylar öz kınälaryn tolyq moiyndap, jasaǧan äreketterıne ökınetınderın aityp, zalaldy tolyq ötegenderın mälımdedı. Sonymen qatar, A. özınıŋ jüktı ekenın jäne balalarynyŋ bar ekenın atap öttı. Jäbırlenuşınıŋ ökılı zalaldyŋ tolyǧymen ötelgenın jäne sottaluşylarǧa qatysty talaptarynyŋ joqtyǧyn rastady”, delıngen habarlamada.
Qylmystyq ıstıŋ nätijesınde, sottaluşylardyŋ kınäsı tolyq däleldendı. Sudia jazany taǧaiyndau kezınde olardyŋ kınäsın moiyndaǧanyn, jas balalarynyŋ boluyn, zalaldy ötegenın jäne auyrlatatyn män-jailardyŋ joqtyǧyn eskerdı.
“A.-ǧa 5 jylǧa bas bostandyǧynan aiyru jazasy taǧaiyndaldy, bıraq onyŋ jaza merzımı 14 jasqa tolmaǧan balalarynyŋ boluyna bailanysty keiınge qaldyryldy. Raqymşylyq zaŋynyŋ qoldanyluyna bailanysty A.-nyŋ jazasy 3 jyl 4 aiǧa qysqartyldy.
B.-ǧa 3 jyl 6 aiǧa bas bostandyǧyn şekteu jazasy taǧaiyndaldy. Raqymşylyq zaŋynyŋ arqasynda B.-nyŋ jazasy 2 jyl 4 aiǧa deiın qysqardy”, delıngen mälımdemede.
Qylmystyq qūqyq būzuşylyqtyŋ aldyn alu maqsatynda, sot būl ükımdı şyǧardy jäne qoǧamdy äleumettık tölemderge qatysty mūndai alaiaqtyq äreketterge qarsy tūruǧa şaqyrdy.
