Bügın - Qazaqstan Respublikasynyŋ körnektı saiasi jäne memleket qairatkerı Nūrlan Ötepūly Balǧymbaevtyŋ tuǧan künı. Tırı bolǧanda 75 jasqa tolar edı, dep habarlaidy “Adyrna” ūlttyq portaly
Nūrlan Balǧymbaev – mūnaişylar dinastiiasynan şyqqan: äkesı men nemere aǧalary mūnaişy bolǧan.
Kezınde özı ǧana emes, özgeler de «naǧyz şaruanyŋ adamy» ataǧan ol premer-ministr bolyp 1997 jyly taǧaiyndaldy. Tehnokrat Balǧymbaev būl qyzmetke prezident bolǧysy keletının mälımdei bastaǧan Äkejan Qajygeldinnıŋ ornyna keldı. Premer qyzmetınde Balǧymbaev ekı jyl otyrdy. Būl - teŋgenıŋ dollarǧa şaqqandaǧy baǧamy ekı ese qūldyrap, eldı qarjy jäne ekonomikalyq daǧdarys jailaǧan jyldar bolatyn.
Nūrlan Balǧymbaev premer-ministr qyzmetınen ketkennen keiın prezident Nazarbaevtyŋ «tasadaǧy» adamdary qataryna ysyrylǧanymen, halyq aitqandai «dalada qalǧan joq». Mūnai öndıru salasynda türlı qyzmetter atqaryp, az uaqyt prezident Nazarbaevtyŋ keŋesşısı boldy. Qaitys bolarynan säl būryn Forbes.kz saity Qazaqstannyŋ eŋ yqpaldy 50 biznesmennıŋ ışınde Nūrlan Balǧymbaevqa 23-oryn bergen.
Forbes.kz saitynyŋ mälımetınşe, «Balalary Tölegen jäne Samal Balǧymbaevtarmen bırge «Qazaqstan mūnai investisiia kompaniiasynyŋ» qūryltaişysy. Mūnai-gaz salasynda qūrylys jäne injenerlık qyzmet körsetumen ainalysatyn «Isker» konsorsiumynyŋ balasy arqyly ülestesı. Qyzy - «Atyrau Development», «Kepital Propertis», Renaissance Aktau Hotel, Renaissance Atyrau Hotel» siiaqty kompaniialardyŋ Serjan Jūmaşevpen bırge teŋ qojaiyny. Balǧymbaev – «QazMūnaiGaz» kompaniiasy salatyn käsıporyndar direksiiasynyŋ bas direktory» delıngen.
Memleket qairatkerı, daraboz mūnaişy Nūrlan Balǧymbaev 2015 jyly 68 jasqa qaraǧan şaǧynda ömırden ozdy.
