Premer-ministr Oljas Bektenov Resei Federasiiasynyŋ ükımet basşysy Mihail Mişustinmen kezdesu ötkızıp, reseilık kompaniialardy elımızdegı investisiialyq jobalarǧa belsendı atsalysuǧa şaqyrdy, dep habarlaidy "Adyrna" ūlttyq portaly QazAqparatqa sıltep.
Kezdesu barysynda Bektenov Qazaqstan men Resei arasyndaǧy investisiialyq serıktestıktıŋ tūraqty türde damyp kele jatqanyn atap öttı.
"Soŋǧy 20 jylda reseilık investorlar Qazaqstan ekonomikasyna 25,2 milliard dollar kölemınde tıkelei investisiia saldy. Qazaqstandyq kompaniialar da osy kezeŋde Reseige 8,7 milliard dollar baǧyttady. Ötken jyldyŋ 9 aiynda reseilık investisiialardyŋ jalpy aǧyny 43,7%-ǧa artyp, 2,8 milliard dollardy qūrady", – dedı Ükımet basşysy.
Qazaqstanda qazırgı uaqytta 23 myŋnan astam reseilık ülesı bar kompaniia jūmys ısteidı. Būl şeteldık kapitaly bar käsıporyndardyŋ 40%-ǧa juyǧyn qūraidy.
Bektenov Qazaqstannyŋ jaŋa öndırıster qūruǧa müddelı ekenın, sondyqtan reseilık biznes ökılderın bırlesken investisiialyq jobalardy ıske asyruǧa belsendı qatysuǧa şaqyratynyn aitty.
"Bız ekonomikalyq yntymaqtastyqtyŋ 2021-2025 jyldarǧa arnalǧan keşendı baǧdarlamasynyŋ oŋ nätijelerın körıp otyrmyz. Osyǧan bailanysty tiıstı memlekettık organdar kelesı jyldarǧa arnalǧan jaŋartylǧan baǧdarlamany äzırleuge kırısuı qajet dep sanaimyz", – dedı Premer-Ministr.
Aita keteiık, būǧan deiın Qazaqstan men Resei arasyndaǧy tauar ainalymynyŋ 11 aida 24 milliard dollardan asqany habarlanǧan.
Ūqsas jaŋalyqtar
