Prezıdenttiń burynǵy keńesshisinen qysym kórgen Móldir Qabylova Toqaevtan kómek suraıdy, dep habarlaıdy "Adyrna" tilshisi Stan.kz aqparat agenttigine siltep.
Oljas Qudaıbergenovtyń áıeli Móldir Qabylova Prezıdent Qasym-Jomart Toqaevqa beıne úndeý joldap, kómek suraýda.
Oljas Qudaıbergenovtyń áıeli Móldirdiń aıtýynsha, ol 2022 jyldyń qańtarynda ajyrasýǵa sheshim qabyldaǵan. Al naýryzda Oljas Qudaıbergenov kámeletke tolmaǵan balalaryn anasynan aıyryp, Ulybrıtanııadan alyp ketpek bolǵan.
Brıtan polıııasy ákeni áýejaıda ustap, balalardy anasyna qaıtarǵan. Ulybrıtanııanyń áleýmettik qyzmeti Móldirdi balalarymen birge baspanasyzdarǵa arnalǵan úıge ornalastyrǵan. Qabylova uzaq ýaqyt boıy eshqaıda shaǵymdanbaǵan kórinedi.
Biraq 2022 jyldyń naýryzynan bastap qazirge deıin kúıeýi, Prezıdenttiń burynǵy kómekshisi Oljas Qudaıbergenovten qysym kórip kelgen. Móldir Qabylova:
“Oljas jalǵa alynǵan úıdiń aqshasyn tóleýden bas tartty. Tórt balammen dalada qaldym. Ákem onyń áreketine ashýlanyp, odan ákelik mindetterin oryndaýdy, oqý jylyna deıin jalǵa alynǵan páterdiń aqysyn tólep berýdi talap etti. Biraq ol ákemniń ústinen “bopsalady” degen aıyppen aryz jazǵan”, – deıdi.
Áıeldiń aıtýynsha, onyń ákesi birden qamaýǵa alynǵan. Qart kisi polıııa bóliminde esinen tanyp qulap, bas súıegin, jambas súıegin jáne aıaqtarynyń súıekterin syndyryp alǵan, sodan keıin 4 aı boıy tósekten tura almaǵan.
Móldir halyqaralyq baǵdarlamalar ortalyǵy arqyly 2023 jyldyń aqpan aıynan bastap alyp otyrǵan "Bolashaq" stıpendııasynyń Oljas Qudaıbergenovtyń toqtatyp tastaǵanyn, tipti "Bolashaq" baǵdarlamasyna kepilge qoıǵan páterin tartyp alyp, satyp jibergenin aıtady.
2023 jyldyń qazan aıynda Qudaıbergenovtyń aryzy boıynsha polıııa "bopsalady" degen aıyppen áıeldiń ákesin taǵy eki aıǵa qamaýǵa alǵan.
Al “NeMolchıKZ” qory Qudaıbergenovtyń áıeline qoıǵan talabyn jarııalady. Oljas Qudaıbergenov áıeline úıge keletin árbir adamdy tek óziniń ruqsatymen shaqyrýyn, qonaqqa barmaýyn, "ómir boıy belgili bir adamdarmen" aralaspaýyn, ári qaıyn atasy aıtqan sózderi men áreketi úshin ózinen keshirim suraýyn talap etken.
"NeMolchıKZ" qory osy máseleni sheshý úshin Prezıdentke shaǵymdanyp, kómek suraýǵa májbúr bolǵan.
Eske sala keteıik, Oljas Qudaıbergenov – ulttyq ekonomıka mınıstrligi janyndaǵy basqarýshy keńestiń tóraǵasy qyzmetin atqarady.
