17 nauryzda "Uralskaia nedelia" basylymy Reseidıŋ bailanys, aqparattyq tehnologiialar men būqaralyq kommunikasiialar salasyn qadaǧalaityn "Roskomnadzor" memlekettık mekemesınen eskertu hat aldy, dep habarlaidy «Adyrna» tılşısı Azattyqqa sılteme jasap.
Hatta saittan ötken jyly jariialanǧan Ukrainadaǧy beibıt tūrǧyndar arasyndaǧy qūrbandar turaly materialdy öşıru talap etılgen.
Oraldyq basylym The Moscow Times onlain-gazetınen köşırıp basqan maqalada 12 aqpanda AQŞ prezidentı Donald Tramp pen Resei prezidentı Vladimir Putin telefonmen "ūzaq jäne öte önımdı" äŋgımeleskennen berı Resei Ukrainaǧa 3000-nan astam dron men kemınde 35 zymyran atqylaǧany jönınde Ukraina äue küşterınıŋ deregı keltırılgen edı. Būǧan qosa ukrain şeneunıkterınıŋ mälımetıne süiengen amerikalyq CNN telearnasynyŋ esebınşe, 75-ten astam beibıt tūrǧyn qaza tauyp, 300-ge juyq adam jaralanǧan dep jazylǧan.
Roskomnadzor būl jariialanymdy
"şynaiy habar atyn jamylyp, qoǧam qauıpsızdıgıne qater töndıretın" jäne "Reseidegı äleumettık-saiasi jaǧdaidy şaiqaltudy közdegen jalǧan aqparat taratu" dep baǧalaǧan. Būl kontent Reseidıŋ "Aqparat, aqparattyq tehnologiialar jäne aqparatty qorǧau turaly" zaŋyn būzdy degen "Roskomnadzor" qazaqstandyq basylymnan internet resursynan maqalany 24 saǧattyŋ ışınde alyp tastaudy talap etken.
«Uralskaia nedelia» bas redaktory Tamara Eslämova būl jaǧdaidy absurd dep baǧalady.
«Öz halqyn erkındıgınen aiyryp, temır perdenıŋ arǧy jaǧyna qaitadan tyǧyp jatqany azdai, onysyn özgelerge de taŋuǧa tyraştanǧan memlekettıŋ aqylynan adasqan memlekettık organynyŋ qylyǧy. Olar bızdı özıne qosyp aldyq dep oilai ma eken? Bız qūddy solardyŋ azamatyndai, solardyŋ būqaralyq aqparat qūralyndai hat joldapty»,-dedı jurnalist.
"Roskomnadzor" biyl aqpan aiynda qazaqstandyq QazTAG aqparat agenttıgı saityn būǧattaudy talap etken hatyn da sol sait ornalasqan serverlerdı qamtamasyz etetın "PS internet kompaniiasyna" jıbergen edı. QazTAG mälımetınşe, "Roskomnadzor" talabyna 2026 jylǧy 20 qaŋtarda Mäskeu qalalyq soty qabyldaǧan şeşım negız bolǧan. Resei taraby QazTAG basşylyǧy, olardyŋ advokattary jäne Freedom Finance qarjy ūiymy salymşylary qatysqan baspasöz jiyndarynan tüsırılgen videolar men köpşılık aldyndaǧy mälımdemelerdı jäne özge materialdardy avtor qūqyǧyn būzu dep baǧalaǧan. QazTAG Reseidegı sot turaly aldyn ala habardar etılmegenın aitqan. Agenttık ol jaiynda 3-4 aqpan künderı saittyŋ uaqytşa aşylmai qaluynyŋ sebebın bırqatar qazaqstandyq internet-provaiderlerden anyqtaǧan kezde kezdeisoq bılgen. Ol joly "PS internet kompaniiasy" ökılderı reseilıkterdıŋ talabyna qaramastan QazTAG saityn būǧattamaǧanyn aitqan edı.
17 nauryzda "Roskomnadzor" oraldyq "Uralskaia nedelia" gazetımen bırge qazaqstandyq taǧy bır aqparat qūraly – Exclusive.kz onlain-basylymyna da eskertu hat jıbergen. Oǧan da Reseidıŋ Ukrainaǧa qarsy basqynşylyq soǧysyna qatysty jariialanǧan kontent ılık bolǧan.
Exclusive.kz redaksiiasy keiıngı jyldary "Roskomnadzor" mekemesınen Ukrainadaǧy soǧys taqyrybyna jariialaǧan materialdarǧa qatysty bırneşe ret eskertu hat alǧanyn jazdy.
