3 qarasha kúni Túrki memleketteri uıymynyń onynshy sammıtine kelgen Túrkııa prezıdenti Rejep Taıyp Erdoǵan Qazaqstan Prezıdenti Qasym-Jomart Toqaevqa Togg T10X elektromobılin syılaǵan bolatyn. Memleket basshysyna syılanǵan qandaı kólik? Bul týraly kolesa.kz jazdy, dep habarlaıdy “Adyrna” ulttyq portaly.
Togg — túriktiń ulttyq avtomobıl brendi. Jobany birneshe kompanııa 2017 jyly qolǵa alǵan. Arasynda tipti syra qaınatatyn Anadolu Group kompanııasy bar eken. Mashınanyń alǵashqy koneptisin 2019 jyly Pininfarina atelesi jasady. Zaýyt qurylysy da sol kezde bastaldy. Túrkııa bul modeldi byltyr qarashada resmı shyǵara bastaǵan.
Basylymnyń málimetinshe, Toqaev T10X-tiń dál qaı nusqasyn alǵany belgisiz, degenmen mashına jalpy 430 at kúshin beretin eki elektromotormen jáne 88.5 kVt·saǵ batareıa blogymen jumys isteıtin, jaqsy jabdyqtalǵan túri. Óıtkeni odan bólek toptamada 210 at kúshine ıe bir motormen jabdyqtalǵan kólik qana bar. T10X-tiń júris qory 314-523 shaqyrymǵa jetedi.
Aıta keteıik, Qasym-Jomart Toqaev Erdoǵannan Togg T10X alǵan alǵashqy prezıdent emes. Túrkııa basshysy buǵan deıin Katar ámiri men Ázirbaıjan, Ózbekstan basshylaryna osyndaı kólik syılaǵan.
