Därıgerlerdı qaǧazbastylyqtan bosatu mäselesın Sifrlyq damu, innovasiialar jäne aeroǧaryş önerkäsıbı ministrı Baǧdat Musin qozǧady. Ol keşe elordadaǧy Saryarqa audanynyŋ Halyqqa qyzmet körsetu ortalyǧyna baryp, qyzmet türlerın aluǧa kelgen tūrǧyndarmen söilesken bolatyn, dep habarlaidy “Adyrna” ūlttyq portaly.
Ministr būl jönınde özınıŋ Telegram arnasynda da jazdy.
“Azamattardyŋ basym bölıgı jūmysqa ornalasu barysynda densaulyǧyna qatysty türlı anyqtamalardy alu üşın HKQO köptep kelıp jatady. Özıne-özı qyzmet körsetu būryşynda azamattar üiden şyqpai-aq, qandai qyzmet türlerın aluǧa bolatyndyǧy turaly aqparatpen bölıstım. Atap aitqanda, psihonevrologiialyq, narkologiialyq, sottylyq boluy nemese bolmauyna qatysty jäne t.b anyqtamalardy eGov Mobile qosymşasy arqyly jüktei alady”, –dep jazdy Musin özınıŋ Telegram arnasynda.Odan bölek, ministr azamattarmen söilesu barysynda prezidenttıŋ biurokratiiany joiu, artyq qaǧazbastylyqqa jol bermeu turaly tapsyrmasy būzylyp otyrǧanyn jetkızdı.
“Barlyq auruhanalardyŋ qyzmetkerlerı jylyna bır ret sottalmaǧandyǧy turaly, sybailas jemqorlyq faktılerınıŋ joqtyǧy turaly jäne basqa da anyqtamalardy äkeluge mäjbür bolady eken. Osylaişa, ıs jüzınde memleket basşysynyŋ biurokratiiany joiu, artyq qaǧazbastylyqqa jol bermeu turaly tapsyrmasy būzyluda, iaǧni būnyŋ bıryŋǧai derekter bazasynan aluǧa bolady. Osy jerde, dereu sifrlandyruǧa jauapty densaulyq saqtau vise-ministrımen habarlasyp, erteŋ oblystyq jäne qalalyq densaulyq saqtau basqarmalaryna osy talaptardyŋ küşın joiudy talap etıp, olardyŋ kadrlyq qyzmetterıne, qajet bolǧan jaǧdaida qyzmetkerlerdıŋ kelısımı boiynşa osy anyqtamalardy derekqordan sūratuǧa mümkındık berudı tapsyrdym”, – dedı ministr.Sonymen bırge ol halyqqa sapaly ärı jyldam qyzmet ūsynu maqsatynda Halyqqa qyzmet körsetu ortalyqtarynyŋ personaly adamdarǧa barynşa baǧdarlana tüsuı tiıs ekendıgın atap öttı.
“Qazırgı uaqytta ortalyqtardy jaŋǧyrtu jūmystary jürgızılıp jatyr, elorda da jäne öŋırlerde zamanaui HQKO aşylyp jatyr. Bız azamattarymyzdyŋ yŋǧailylyǧy üşın barlyq jaǧdaidy jasaityn bolamyz!”, – dep tüiındedı Baǧdat Musin
Ūqsas jaŋalyqtar
