Toqaev: Árkimniń kórpeni ózine tartýy – úlken qatelik

2603
Adyrna.kz Telegram

Qazaqstan Prezıdenti Bas prokýratýranyń basshylyq quramymen keńes ótkizdi, dep habarlaıdy «Adyrna» tilshisi Aqordaǵa silteme jasap.

Jıyn barysynda memleket basshysy quqyq qorǵaý qurylymdarynyń is-qımyldaryn úılestirýdi jolǵa qoıýdy tapsyrdy.

– Ókilettilikterdi bir-birinen alý, árkimniń kórpeni ózine tartýy – úlken qatelik. Eshkimniń óz quzyretinen aırylǵysy kelmeıtini túsinikti. Biraq máseleniń tórkininde jeke ambıııalar men mekemeniń múddeleri emes, barsha qoǵam men memlekettiń múddesi turýy tıis. Osyǵan baılanysty Úılestirý keńesiniń qyzmetin qaıta jasaqtaý qajet. Onyń mindeti ishki ister organdaryndaǵy, qarjy monıtorıngi men sybaılas jemqorlyqqa qarsy kúres qyzmetindegi reformalardy úılestirý, barlyq quqyq qorǵaý júıesiniń qyzmetin jaqsartýdyń jańa tásilderin izdestirý, – dedi Qasym-Jomart Toqaev.

Sondaı-aq ol prokýratýranyń zań ústemdigin qamtamasyz etýde jáne qylmyspen kúreste aıryqsha ról atqaratynyn atap ótti. Memleket basshysy pandemııa kezinde elimizde qylmystyq is-áreketterdiń 30 paıyzǵa azaıǵanyn aıtyp, quqyq qorǵaý júıesiniń jumysyn oń baǵalady. Sonymen qatar Prezıdent halyqtyń senimi men azamattardyń bergen baǵasy basty ólshem ekenine toqtalyp, osy saladaǵy reformalar qarqyndy júrgizile beretinin aıtty.

– Aldaǵy reformalar kezinde prokýratýra organdarynyń orny erekshe bolady. Búginde qylmystyq proestiń úsh býyndy modeli engizilýde. Sonyń arqasynda bir aıdyń ishinde 692 adamdy qylmystyq qýdalaýdan arashalap qaldyq. Biraq munymen shektelýge bolmaıdy. Negizgi proessýaldyq sheshimderdiń barlyǵy prokýrorlyq súzgiden ótýge tıis. Bul – óte mańyzdy másele. Bir de bir zań buzý deregi prokýror nazarynan tys qalmaýy qajet, – dedi ol.

«Adyrna» ulttyq portaly

Pikirler