Aǵymdaǵy jyldyń sońyna deıin «Aglomeraııalardy damytý týraly» jańa zań qabyldanady. Bul týraly Prezıdent Qasym-Jomart Toqaev Almaty qalasyna jasaǵan jumys sapary kezinde aıtty, dep habarlaıdy «Adyrna» tilshisi.
Memleket basyshsy Toqaev Almaty halqymen kezdesýinde: «Bul aımaqtardyń ereksheligin eskere otyryp, Almaty aglomeraııasy sheńberinde óńdeý ónerkásibin damytý kerek. Osy jyldyń sońyna deıin «Aglomeraııalardy damytý týraly» jańa zań qabyldanady. Bul zań eki aımaqtyń arasyndaǵy ózara tyǵyz baılanystar ornatýǵa negiz bolmaq»,-degen oıyn jetkizdi.
Qasym-Jomart Kemelulynyń sózine súıensek, álemniń kóptegen megapolısterinde kreatıvti ındýstrııalar ekonomıkalyq ósýdiń negizgi qozǵaýshy kúshi bolyp tabylady. Búgingi tańda bizdiń talantty azamattarymyz osy salada shetelde keńinen tanymal eken. Osyny basty nazarǵa alǵan Toqaev, «olardyń óz elimizde tolyqqandy damýy úshin barlyq jaǵdaı jasaýymyz kerek», degen pikirin ortaǵa saldy.
Prezıdenttiń aıtýynsha, qazirdiń ózinde Qazaqstannyń kreatıvti sektorynda 19 myńnan astam kompanııa jumys isteıdi. Bul rette elimizdiń barlyq IT-kompanııalarynyń 40% - dan astamy Almatyda ornalasqan.
«Megapolıs ıfrlyq kóshpendiler úshin tartymdy ortalyqqa aınalady. Azamattardyń shyǵarmashylyq bastamalaryn iske asyrý úshin jaqyn arada qalada kreatıvti habtar men klasterler iske qosylady. Men ákimdiktiń bastapqy kapıtaldandyrýy 10 mıllıard teńgeni quraıtyn qalalyq venchýrlyq qor qurý týraly ıdeıasyn qoldaımyn. Bul jobany júzege asyrý úshin jeke qarajat tartý mańyzdy»,-dedi kezdesýde Prezıdent.
Jıyn barysynda Memleket basshysy shahardyń týrıstik áleýeti týraly oı qaýzady.
«Almatynyń sulýlyǵy men alýan túrliligi boıynsha biregeı tabıǵaty, baı tarıhı-mádenı murasy bar. Bul ishki jáne sheteldik týrısterdi tartý úshin jaqsy negiz bolyp tabylady. Koronavırýstyq shekteýler alynyp tastalǵannan keıin Almatyda týrıstik aǵynnyń qarqyndy ósýi baıqalady. Tek birinshi jartyjyldyqta ishki týrıster sany 1,5 ese, sheteldik týrıster sany 2,8 ese ósti. Ashylatyn múmkindikterdi tıimdi paıdalaný kerek»,-dedi Qasym-Jomart Toqaev.
