Aǧymdaǧy jyldyŋ soŋyna deiın «Aglomerasiialardy damytu turaly» jaŋa zaŋ qabyldanady. Būl turaly Prezident Qasym-Jomart Toqaev Almaty qalasyna jasaǧan jūmys sapary kezınde aitty, dep habarlaidy «Adyrna» tılşısı.
Memleket basyşsy Toqaev Almaty halqymen kezdesuınde: «Būl aimaqtardyŋ erekşelıgın eskere otyryp, Almaty aglomerasiiasy şeŋberınde öŋdeu önerkäsıbın damytu kerek. Osy jyldyŋ soŋyna deiın «Aglomerasiialardy damytu turaly» jaŋa zaŋ qabyldanady. Būl zaŋ ekı aimaqtyŋ arasyndaǧy özara tyǧyz bailanystar ornatuǧa negız bolmaq»,-degen oiyn jetkızdı.
Qasym-Jomart Kemelūlynyŋ sözıne süiensek, älemnıŋ köptegen megapolisterınde kreativtı industriialar ekonomikalyq ösudıŋ negızgı qozǧauşy küşı bolyp tabylady. Bügıngı taŋda bızdıŋ talantty azamattarymyz osy salada şetelde keŋınen tanymal eken. Osyny basty nazarǧa alǧan Toqaev, «olardyŋ öz elımızde tolyqqandy damuy üşın barlyq jaǧdai jasauymyz kerek», degen pıkırın ortaǧa saldy.
Prezidenttıŋ aituynşa, qazırdıŋ özınde Qazaqstannyŋ kreativtı sektorynda 19 myŋnan astam kompaniia jūmys ısteidı. Būl rette elımızdıŋ barlyq IT-kompaniialarynyŋ 40% - dan astamy Almatyda ornalasqan.
«Megapolis sifrlyq köşpendıler üşın tartymdy ortalyqqa ainalady. Azamattardyŋ şyǧarmaşylyq bastamalaryn ıske asyru üşın jaqyn arada qalada kreativtı habtar men klasterler ıske qosylady. Men äkımdıktıŋ bastapqy kapitaldandyruy 10 milliard teŋgenı qūraityn qalalyq venchurlyq qor qūru turaly ideiasyn qoldaimyn. Būl jobany jüzege asyru üşın jeke qarajat tartu maŋyzdy»,-dedı kezdesude Prezident.Jiyn barysynda Memleket basşysy şahardyŋ turistık äleuetı turaly oi qauzady.
«Almatynyŋ sūlulyǧy men aluan türlılıgı boiynşa bıregei tabiǧaty, bai tarihi-mädeni mūrasy bar. Būl ışkı jäne şeteldık turisterdı tartu üşın jaqsy negız bolyp tabylady. Koronavirustyq şekteuler alynyp tastalǧannan keiın Almatyda turistık aǧynnyŋ qarqyndy ösuı baiqalady. Tek bırınşı jartyjyldyqta ışkı turister sany 1,5 ese, şeteldık turister sany 2,8 ese östı. Aşylatyn mümkındıkterdı tiımdı paidalanu kerek»,-dedı Qasym-Jomart Toqaev.
Ūqsas jaŋalyqtar
