Memleket basşysy Qasym-Jomart Toqaev Bala qūqyqtary jönındegı uäkıl Dinara Zäkievany qabyldady. Būl turaly Aqorda jazdy, dep habarlaidy “Adyrna”.
Soŋǧy ekı jylda balalardyŋ qūqyqtaryn qorǧau jäne qauıpsızdıgın qamtamasyz etu, zorlyq-zombylyqtyŋ, suisidtıŋ jäne jasöspırımder arasyndaǧy qylmystyŋ aldyn alu maqsatynda bırqatar şara qabyldanyp, baǧdarlamalar men zaŋdar äzırlendı. Atalǧan jūmys aiasynda Bala qūqyqtary jönındegı uäkıldıŋ bastamasymen zaŋnamaǧa 120 tüzetu engızıldı.
Biyl 13 öŋırdegı jäne 73 eldı mekendegı ahualǧa monitoring jürgızılgenın, sonyŋ ışınde 272 mekemedegı balalarǧa jasyryn saualdama jasalǧanyn, 173 otbasyda tärbielenıp jatqan jetkınşekterdıŋ jaǧdaiymen tanysqanyn aitty. Tekserıs qorytyndysy boiynşa bala qūqyqtaryn qorǧauǧa qatysty qabyldanǧan zaŋ normalaryn būzǧan 171 derek anyqtalǧan.
Aimaqtardaǧy 112 otbasylyq qoldau ortalyǧynyŋ tiımdı jūmys ıstep jatqany belgılı boldy. Olar tūrmystyq zorlyq-zombylyqtyŋ aldyn alu men balalar qūqyǧyn qorǧau maqsatynda aşylǧan bolatyn.
Oblys äkımdıkterı janynan bala qūqyqtaryn qorǧau jönındegı basqarma qūru jūmystary qolǧa alyndy. Sondai-aq olardyŋ qyzmetın aiqyndaityn zaŋ jobasy äzırlenıp jatyr.
Qazırgı kezde «Qazaqstan halqyna» qory serıktesterımen bırge 49 oŋaltu ortalyǧyn aşty. Būl mekemelerde erekşe qajettılıkterı bar balalarǧa qyzmet körsetıledı.
Kezdesude «Qazaqstan balalary» baǧdarlamasyn äzırleu, onlain qauıpsızdıktı qamtamasyz etu jäne kämeletke tolmaǧan azamattardyŋ jeke mälımetterın qorǧau mäselelerı talqylandy.
Prezident bala qūqyqtaryn qorǧauǧa kepıldık beru jüiesın nyǧaityp, jetkınşekterdı jan-jaqty qoldau tetıgın qalyptastyru üşın jergılıktı atqaruşy organdar men öŋırlık uäkılderdıŋ küş-jıgerın jūmyldyru maŋyzdy ekenıne nazar audardy. Sonymen qatar mektepterdegı inkliuzivtı bılım beru ısın damytudy közdeitın qosymşa şaralar qabyldaudy tapsyrdy.
