Nazarbaevtyń nemere inisi Qaırat Satybaldynyń Qazaqstannan zańsyz shyǵarylǵan aktıvi memleketke qaıtaryldy. Bul týraly Sybaılas jemqorlyqqa qarsy is-qımyl agenttigi málimdedi, dep habarlaıdy “Adyrna” ulttyq portaly.
Sybaılas jemqorlyqqa qarsy is-qımyl agenttigi Qaırat Satybaldyulyna jáne basqa da adamdarǵa qatysty júrgizilip jatqan tergep-tekserý aıasynda Qazaqstannan zańsyz shyǵarylǵan aktıvterdi, onyń ishinde qylmystyq jolmen alynǵan qarajatty jáne ózge de múlikti qaıtarý jóninde sharalar qabyldap jatyr.
Bıyl mamyrdyń sońynda agenttik shet memleketterdiń quqyq qorǵaý organdary jáne Bas prokýratýramen birlesip, Birikken Arab Ámirlikterinen jalpy somasy 14 mln dollardy qaıtardy. Qarajat memleket kirisine aınaldyrylyp, áleýmettik maqsatta paıdalanylady.
Qylmystyq qýdalaý bastalǵannan beri memleketke zańsyz satyp alynǵan Qaırat Satybaldyuly jáne onymen baılanysty adamdardyń 464 mlrd teńgeden asatyn múliktik aktıvteri men aqshasy qaıtaryldy, delingen habarlamada.
Olarǵa ákimshilik ǵımarattar, eksklıýzıvti zergerlik buıymdar, sándi kólikter, qolma-qol aqsha, akııalar men kompanııalardyń úlesteri, sondaı-aq temirjol kiredi.
Zańsyz shyǵarylǵan aktıvterdi qaıtarý boıynsha jumys jalǵasyp jatyr.
