Nazarbaevtyŋ nemere ınısı Qairat Satybaldynyŋ Qazaqstannan zaŋsyz şyǧarylǧan aktivı memleketke qaitaryldy. Būl turaly Sybailas jemqorlyqqa qarsy ıs-qimyl agenttıgı mälımdedı, dep habarlaidy “Adyrna” ūlttyq portaly.
Sybailas jemqorlyqqa qarsy ıs-qimyl agenttıgı Qairat Satybaldyūlyna jäne basqa da adamdarǧa qatysty jürgızılıp jatqan tergep-tekseru aiasynda Qazaqstannan zaŋsyz şyǧarylǧan aktivterdı, onyŋ ışınde qylmystyq jolmen alynǧan qarajatty jäne özge de mülıktı qaitaru jönınde şaralar qabyldap jatyr.
Biyl mamyrdyŋ soŋynda agenttık şet memleketterdıŋ qūqyq qorǧau organdary jäne Bas prokuraturamen bırlesıp, Bırıkken Arab Ämırlıkterınen jalpy somasy 14 mln dollardy qaitardy. Qarajat memleket kırısıne ainaldyrylyp, äleumettık maqsatta paidalanylady. Qylmystyq qudalau bastalǧannan berı memleketke zaŋsyz satyp alynǧan Qairat Satybaldyūly jäne onymen bailanysty adamdardyŋ 464 mlrd teŋgeden asatyn mülıktık aktivterı men aqşasy qaitaryldy, delıngen habarlamada.Olarǧa äkımşılık ǧimarattar, ekskliuzivtı zergerlık būiymdar, sändı kölıkter, qolma-qol aqşa, aksiialar men kompaniialardyŋ ülesterı, sondai-aq temırjol kıredı. Zaŋsyz şyǧarylǧan aktivterdı qaitaru boiynşa jūmys jalǧasyp jatyr.
Ūqsas jaŋalyqtar
