Qazaqstan Halyq partiiasynyŋ töraǧasy Ermūhamet Ertısbaev Qazaqstan Respublikasy Konstitusiiasyna engızılgen tüzetuler boiynşa respublikalyq referendumnyŋ qorytyndysyna qatysty resmi mälımdeme jasady, dep habarlaidy “Adyrna” ūlttyq portaly.
5 mausym künı referendumda azamattar dauys bergen Konstitusiiadaǧy özgerıster küşıne endı. Konstitusiiaǧa özgerıster men tolyqtyrular engızu turaly zaŋ «Egemen Qazaqstan» gazetınde jariialanǧan.
Özgerısterge säikes:
- Qazaqstan super-prezidenttık basqaru formasynan küştı parlamentı bar prezidenttık formaǧa köşedı. Jer jäne onyŋ qoinauy, su közderı, ösımdıkter men januarlar düniesı, basqa da tabiǧi resurstar halyqqa tiesılı.
- Prezidenttıŋ jaqyn tuystarynyŋ saiasi memlekettık qyzmetşı, kvazimemlekettık sektor subektısı basşylary lauazymdaryn atqaruǧa qūqyǧy joq. Qazaqstandyqtar öz betınşe Konstitusiialyq sotqa jügıne alady.
- Ölım jazasyna tyiym salynady. Eşkımnıŋ adam ömırın qiiuǧa qūqyǧy joq. Mäjılıstıŋ deputattyq korpusy aralas sailau jüiesı boiynşa qūrylady.
- Senattaǧy prezidenttık kvota qysqaryp, Mäjılıstegı QHA kvotasy joiylady. Majoritarlyq jüie deputatty sailauşylardyŋ qalauy boiynşa şaqyrtyp aluǧa mümkındık beredı.
“Halyq partiiasy bırden qoǧamdaǧy ideialyq küreske qosylyp, referendumdy qoldau üşın auqymdy ügıt-nasihat jūmysyn jürgızdı. Bız nätijege rizamyz jäne būl – barlyq qazaqstandyqtyŋ jeŋısı dep sanaimyz. Qazaqstandyqtar ıs jüzınde prezident Qasym-Jomart Toqaevqa zor senım bıldırdı. Jaŋa, Ädılettı Qazaqstannyŋ berık konstitusiialyq ırgetasy qalandy dep aituǧa bolady”, – dedı partiia töraǧasy söz basynda.
”Adyrna” ūlttyq portaly
Ūqsas jaŋalyqtar
