Şyǧys Qazaqstan oblysynyŋ prokuratura organdary tūrǧyndarǧa tegın qūqyqtyq kömek körsetu jäne türlı qūqyqtyq mäseleler boiynşa keŋes beru maqsatynda respublikalyq «Qūqyqtyq därıhana» aksiiasyn ötkızdı.
Is-şara oblystyŋ barlyq qala jäne audandaryn qamtydy. Oblys ortalyǧynda aksiia Öskemen qalasyndaǧy «ADK River» sauda-oiyn-sauyq ortalyǧynda, «İmperator» sauda üiınde, sondai-aq S.Amanjolov atyndaǧy Şyǧys Qazaqstan universitetınıŋ alaŋynda ūiymdastyryldy.
Aksiia barysynda tūrǧyndarǧa özderın qyzyqtyrǧan barlyq mäseleler boiynşa bılıktı qūqyqtyq kömek körsetılıp, qoldanystaǧy zaŋnama aiasynda öz qūqyqtaryn ıske asyru joldary jan-jaqty tüsındırıldı.
Jalpy, azamattardyŋ negızgı sūraqtary eŋbek jäne jer zaŋnamasyna, mūrany räsımdeu men beru tärtıbıne, sot aktılerın oryndauǧa, käsıpkerlık qyzmettı bastauǧa, salyqtyq auyrtpalyqtarǧa jäne basqa da qūqyqtyq mäselelerge qatysty boldy.
Sonymen qatar, halyq arasynda internet-alaiaqtyqtyŋ aldyn alu boiynşa profilaktikalyq jūmystar jürgızıldı. Prokuratura qyzmetkerlerı tūrǧyndarǧa sifrlyq qauıpsızdık talaptaryn saqtaudyŋ maŋyzdylyǧyn tüsındırıp, jeke derekterdı bögde adamdarǧa bermeu qajettıgın eske saldy.
Jazǧy demalys kezeŋıne bailanysty kämeletke tolmaǧandar arasyndaǧy qūqyq būzuşylyqtardyŋ aldyn alu, balalardyŋ qauıpsızdıgın qamtamasyz etu mäselelerıne erekşe nazar audaryldy. Sondai-aq esırtkı qūqyq būzuşylyqtarynyŋ aldyn alu boiynşa tüsındıru jūmystary jürgızılıp, esırtkınıŋ zaŋsyz ainalymyna jäne özge de zaŋsyz tabys tabu shemalaryna qatysudyŋ qūqyqtyq saldary tüsındırıldı.
Ötkızılgen aksiia men tegın qūqyqtyq kömektıŋ qoljetımdılıgı oblys tūrǧyndarynyŋ oŋ baǧasyna ie boldy.
