Almaty qalasynyń Tótenshe jaǵdaılar departamenti (TJD) jer silkinisin erte habarlaý júıesine qatysty jaǵdaıǵa túsinikteme bere otyryp, onyń synaq kezeńinen ótip jatqanyn aıtty, dep habarlaıdy "Adyrna" ulttyq portaly.
«2023 jyldyń sońynda Almaty qalasy Tótenshe jaǵdaılar departamentiniń tapsyrysy boıynsha avtomattandyrylǵan aldyn ala eskertý júıesiniń (AAEJ) 28 seısmıkalyq stansasynyń qurylysy aıaqtaldy. Joba kezeń-kezeńimen júzege asyryldy: 2022 jylǵa – 11 seısmıkalyq stansanyń qurylysy, 2023 jylǵa – 17 seısmıkalyq stansanyń qurylysy. Qazirgi ýaqytta júıe synaqtyq paıdalanýǵa berildi jáne sheteldik tájirıbege sáıkes, aprobaııalyq kezeńnen ótip, synaq rejıminde. Júıeni testileý kezeńi shamamen birinshi jartyjyldyqtyń sońyna deıin sozylady», - delingen sársenbide taratqan habarlamada.
Eske salaıyq, 23 qańtarda Almatyda bolǵan jer silkinisinen keıin el dúrlikti. Tabıǵı apattyń aldyn ala eskertilmegenine qatysty syn aıtyldy. Artynsha apatty aldyn ala habarlaýdyń avtomattandyrylǵan júıesine 1,1 mlrd teńge jumsalǵany, dese de onyń jumys istemeı qalǵany belgili boldy. Almatylyqtardy jer silkinisi týraly aldyn ala eskertýge jaýapty jáne kórsetetin qyzmeti úshin 1,1 mlrd teńge alǵan kompanııa eks-prezıdent Nazarbaevtyń jıeni Nuráli Álıevke tıesili ekenin «Ádildik joly» qoǵamdyq birlestiginiń (QB) atqarýshy dırektory Dıdar Smaǵulov aıtty.
