Qaırat Satybaldyulynyń qylmystyq jolmen tabylǵan múlki memleketke qaıtaryldy. Bul týraly Sybaılas jemqorlyqqa qarsy qyzmet málimdedi, dep habarlaıdy “Adyrna” ulttyq portaly.
«TMD-dan tys elderde júrgizilgen jedel-izdestirý is-sharalarynyń nátıjesinde sottalýshylarǵa tıesili quny 230 mıllıon dollardan asatyn eksklıýzıvti asyl tastar men zergerlik buıymdar anyqtalyp, memleket kirisine qaıtaryldy», - dedi Antıkor.
Sondaı-aq, sybaılas jemqorlyqqa qarsy qyzmet Satybaldyulynyń sheteldik baǵaly qaǵazdarǵa 300 mıllıon dollar salǵanyn anyqtady. Bul soma jaqyn arada Qazaqstan bıýdjetine túsedi.
