بۇگىن جازۋشى، "قان مەن تەر" تريلوگياسىنىڭ اۆتورى ءابدىجامىل نۇرپەيىسوۆتىڭ تۋعانىنا 99 جىل تولدى.
ءابدىجامىل نۇرپەيىسوۆ - 1924 جىلى 22 قازان كۇنى قىزىلوردا وبلىسىندا ومىرگە كەلگەن. قازاقستاننىڭ حالىق جازۋشىسى، XX عاسىردا قازاق ادەبيەتىنە زور ۇلەس قوسقان سۋرەتكەرلەردىڭ ءبىرى، قوعام قايراتكەرى ۇلى وتان سوعىسىنا قاتىسقان.
جازۋشى ادەبيەتتەگى جولىن مەكتەپ قابىرعاسىنان باستاعان. 10-سىنىپتى وقىپ، پوۆەست جازۋعا بەل بۋعان. اسكەردەن قايتا ورالعاننان كەيىن اۆتوردىڭ جازعاندارىنىڭ ءبارى جوعالعان.
اۆتوردىڭ "كۋرليانديا" رومانى 1946 جىلى جەلتوقساندا اسكەردەن كەيىن جازىلعان. تىرناقالدى كىتابى ءۇشىن ول جامبىل اتىنداعى رەسپۋبليكالىق سىيلىقتىڭ لاۋرەاتى اتانعان ەدى.
XX عاسىر قازاق ادەبيەتىنە مول سىباعا قوسقان سۋرەتكەرلەردىڭ ءبىرى – ءابدىجامىل نۇرپەيىسوۆ. ونىڭ "قان مەن تەر" تريلوگياسىنان وزگە دە شىعارمالارى وتىز شاقتى شەتەل تىلىنە اۋدارىلىپ، ادەبيەتتى كۇللى دۇنيەگە تانىتتى.
وكىنىشكە وراي قازاق قوعامى ورنى تولماس قازاعا ۇشىراپ، ءابدىجامىل نۇرپەيىسوۆ 2022 جىلى 5 اقپاندا دۇنيەدەن وزدى. قازاقستاننىڭ حالىق جازۋشىسى، كسرو جانە قازاقستان مەملەكەتتىك سىيلىقتارىنىڭ لاۋرەاتى، قازاقستاننىڭ ەڭبەك ەرى، كلاسسيك جازۋشى ءابدىجامىل نۇرپەيىسوۆ 98 جاسقا قاراعان شاعىندا ومىردەن وتكەن.
