2015 jyly 2 qyrküiek künı Astana uaqytymen saǧat 10.37-de Baiqoŋyr ǧaryş ailaǧynan «Soiuz TMA-18M» zymyran-tasymaldaǧyşy ūşyryldy. Onyŋ bortynda Qazaqstannyŋ üşınşı ǧaryşkerı Aidyn Aiymbetov boldy.
Sondai-aq, halyqaralyq ekipaj qūramynda reseilık ǧaryşker, №1 bortinjenerı Sergei Volkov, Daniia Koroldıgınıŋ astronavty Andreas Mogensen bolǧan.
Alǧaşynda Aidyn Aiymbetov aşyq keŋıstıkke qatysuşy retınde ūşady dep josparlanǧan edı, alaida ūşatyn uaqyt taiaǧanda onyŋ märtebesı bılıktılıgıne säikes, "bortinjener-2" dep özgertıldı.
Ekipaj Jerge 12 qyrküiekte 9 kün 20 saǧat 13 minut 51 sekundtan keiın oraldy. Aidyn Aiymbetov ǧaryşqa ūşqan tūŋǧyş Qazaqstan Respublikasynyŋ azamaty atandy.
10 künge juyq uaqytqa sozylǧan saparda Aidyn Aiymbetov ǧaryştaǧy 5-şı ūlttyq ǧylymi zertteu baǧdarlamasyn oryndady.
Jalpy ǧaryştyq zertteu baǧdarlamasy 10 ǧylymi tapsyrmadan qūrylǧan, onyŋ ışınde Aral jäne Kaspii teŋızderınıŋ ekologiialyq jaǧdaiyna monitoring jürgızu jäne "Dastarhan-6" dep atalǧan ūlttyq taǧam önımderınıŋ ǧaryştaǧy paidaly qasietterın zertteu boldy.
Aidyn Aiymbetov – Qazaqstan Äskeri-äue küşterınıŋ general-maiory, Qazaqstan Respublikasynyŋ Halyq Qaharmany. Ǧaryşker 1972 jyly 27 şıldede qazırgı Jetısu audany, Ötenai auylynda düniege kelgen.
