Bir perzentke zar bolǵan jannyń qýanyshyn oqyǵan qalyń qazaqtyń kózine jas irkildi

7683
Adyrna.kz Telegram
Feısbýk qoldanýshysy Sáken Dildahmet esimdi azamat jol ústinde bolǵan tańǵajaıyp oqıǵamen bólisti. Avtordyń jyly jazbasyn oqyǵan qalyń qazaqtyń kózine qýanyshtan jas irkilip, oqıǵa keıipkeriniń eń janashyr tilektesi men aqjoltaı aǵaıynyna aınaldy, dep habarlaıdy "Adyrna" ulttyq portaly.  
Qoǵam belsendisi Sáken Dildahmet qýanyshty habarmen bólisip, shańyraq qundylyǵy men otbasyndaǵy bal baqytqa qatysty taǵlymdy oqıǵadan sóz etti. "Taksıdegi qýanysh" dep atalǵan oqıǵa tómendegideı óriledi.
"40 mınýt buryn taksı shaqyrdym. Jambyldyq nómirli júrgizýshi keldi. Joldaǵy keptelisti qysqartý maqsatynda áńgime dúken qurdyq. Azat esimdi jigit Tarazdan 2 aı buryn astanaǵa kóshipti. Jerlesim bolǵandyqtan, anany-mynany surap áńgimelestik. Astanaǵa jumys babymen qonys aýdarypty. Sol jumystan shyǵa sala, keshkisin osylaı taksı bolyp qyzmet isteıdi eken. Qalany áli durys bilmeıdi. Jol boıy tanystyryp keldim.
10 jyl bolypty otaý qurǵanyna. Biraq áli perzent súımedik, talaı emdeldik, sol baqytty kútip júrmiz deıdi. Men ony qaıta qoldap, demep, bári jaqsy bolady dedim.
Úıge jaqyndaı bergende kelinshegi qońyraý shaldy. Anaý Azat aıqaılap, kózinen jas shyqty. Sýyq habar jetkizdi ma dep ózimshe oılap qaldym.
Kólikti joldyń jıegine toqtatyp, dalaǵa atyp shyqty. Uly Dalany basyna kóterip júgirip, sekirip ketti. Ne bolyp qaldy dep, men de shyǵyp jaǵdaıdy suradym.
Sóıtsek, kelinshegi kóteripti. Bir balaǵa zar bolǵan qýanyshtyń qandaı bolatynyn ózim kórdim. Quttyqtadym. Ol meni qushaqtap, balasha máz bolyp ketti. Sol kólikke mingen men qyryqtyń biri bolǵan qydyr shyǵarmyn dep oıladym.
Baqyt degen osyndaı eken!" - dep tebirendi avtor.
Jylylyq esken jazbany oqyǵannan keıin kóńili bosamaǵan jan qalmady. Jeli qoldanýshylarylarynyń:

"Aıdaladaǵy men qýanyp otyrmyn", Qandaı keremet sezim! Aman-esen dúnıege kelsin! Endi sizge “Azat áke boldy” dep súıinshi suraýdy jazsyn! Ul bolsa esimin Sáken qoısa tipti keremet",

"Qandaı keremet jańalyq! Qansha jyl boıy qınaldy",
"Osy oraıda, adam taǵdyrynda neshe túrli bolatynyn bilmeıtinder, oılanbaıtyndar, qalaı bolsa solaı sóılep: nege bala týmaısyń; bala týmasań, bári beker; balań bolmaǵan soń, aqyl aıtpa degen sııaqty adamdy "kemsitý" ári jeke shekarany eskermeı sóıleı beretini ókinishti…
Barsha adam balasy osylaı baqytty bolsyn",
"Burynǵy adamdar biledi, jer aýdarý kerek dep aıtatyn, aýzyńyz dýaly bolǵany ǵoı, tek jaqsy nárse aıta berińiz, Elge, qazaqqa qatysty jaqsy nárselerdi kóp aıtyńyzshy",
"Dosym bar, áıeli Qyzylordada kótermeı júrgen, Astanaǵa kóshken soń eki balaly boldy. Klımat aýystyrǵan durys",
"Qýanyshy uzaǵynan súıindirsin!" degen izashar tilekter janǵa jylylyq uıalatýda.
Qazaqtyń basy aman, baýyry bútin bolsyn! Shańyraǵynyń ishi janǵa, syrty malǵa tolsyn, aǵaıyn!
"Adyrna" ulttyq portaly 
Pikirler