Úkimet «Til saıasatyn damytýdyń 2023-2029 jyldarǵa arnalǵan tujyrymdamasyn bekitý týraly» tıisti qaýlyny qabyldady. Oǵan sáıkes jekelegen saıası memlekettik qyzmetshiler qazaq tilin bilýge mindetti. Osylaısha qazaq tili memlekettik qyzmettiń negizgi jumys tiline aınalmaq, dep habarlaıdy «Adyrna» tilshisi.
«Qoǵamnyń barlyq salasynda memlekettik tilge basymdyq berýdi qalyptastyrý, memlekettik tildiń qoldanylý aıasyn keńeıtý boıynsha sharalar qabyldanady. Tujyrymdamany júzege asyrý barysynda jekelegen saıası memlekettik qyzmetshilerdi qazaq tilin bilýge mindetteıtin talaptar ázirlenetin bolady»,—delingen habarlamada.
Aıta keteıik, 2029 jyly Qazaqstan halqynyń 84 paıyzy memlekettik tildi meńgeredi dep kútilýde. Budan bólek «Qaztest» júıesi boıynsha V2 deńgeıinde memlekettik tildi meńgergen memlekettik qyzmetshilerdiń úlesi 2029 jyly 50 paıyz bolady dep josparlanyp otyr.
Qujatqa júktelgen mindetterdi júzege asyrý úshin baǵdarlamalardyń, kýrstardyń jáne ár túrli is-sharalardyń tizimi engizilgen. Qaýly qol qoıylǵan kúninen bastap kúshine enedi.
