Ükımet «Tıl saiasatyn damytudyŋ 2023-2029 jyldarǧa arnalǧan tūjyrymdamasyn bekıtu turaly» tiıstı qaulyny qabyldady. Oǧan säikes jekelegen saiasi memlekettık qyzmetşıler qazaq tılın bıluge mındettı. Osylaişa qazaq tılı memlekettık qyzmettıŋ negızgı jūmys tılıne ainalmaq, dep habarlaidy «Adyrna» tılşısı.
«Qoǧamnyŋ barlyq salasynda memlekettık tılge basymdyq berudı qalyptastyru, memlekettık tıldıŋ qoldanylu aiasyn keŋeitu boiynşa şaralar qabyldanady. Tūjyrymdamany jüzege asyru barysynda jekelegen saiasi memlekettık qyzmetşılerdı qazaq tılın bıluge mındetteitın talaptar äzırlenetın bolady»,—delıngen habarlamada.
Aita keteiık, 2029 jyly Qazaqstan halqynyŋ 84 paiyzy memlekettık tıldı meŋgeredı dep kütılude. Būdan bölek «Qaztest» jüiesı boiynşa V2 deŋgeiınde memlekettık tıldı meŋgergen memlekettık qyzmetşılerdıŋ ülesı 2029 jyly 50 paiyz bolady dep josparlanyp otyr.
Qūjatqa jüktelgen mındetterdı jüzege asyru üşın baǧdarlamalardyŋ, kurstardyŋ jäne är türlı ıs-şaralardyŋ tızımı engızılgen. Qauly qol qoiylǧan künınen bastap küşıne enedı.Ūqsas jaŋalyqtar
