Täjıkstan bilıgı «janoza» (janaza namazy) kezınde qaitys bolǧan jas qyzdy el aldynda balaǧattap, tıl tigızgen, dep habarlaidy «Adyrna» ūlttyq portaly.
Ozodi radiosynyŋ mälımetınşe, Täjık jurnalisı Abdukodir Talbakov Gissar Turdibobo auylynda 25 jastaǧy qyzdy jerleuge qatysqandardyŋ bırıne sılteme jasai otyryp, Facebook paraqşasynda Abdukahhor Mirzoev pen Domullo Abdukahhor «janoza» räsımı kezınde marqūm qyzdy jäne onyŋ otbasy müşelerın «fasiq» (namaz oqymaityndar) otbasy dep atap, äkesın masqaralaǧan.
Hanafi mäzhaby boiynşa namaz oqymaǧan adam künähar, fasiq bolyp sanalady. Alaida būl mäzhabta adam namazdyŋ paryzyna senıp, bıraq ony jalqaulyqtan oryndamasa, «käpır» dep aiyptamaǧan.
Täjıkstanda būǧan deiın «janoza» nemese jerleu räsımı kezınde marqūmdy jäne onyŋ otbasy müşelerın qorlau oqiǧasy bolmaǧan.
Täjıkstan Ükımetı janyndaǧy Dın, dästürlerdı, merekeler men räsımderdı retteu komitetınıŋ baspasöz hatşysy Afşin Mukim Gissardaǧy oqiǧa turaly aqparatty rastady.
«Qazır Gissar audany Durbat auylynyŋ tūrǧyny Abdukahhor Mirzoev tiıstı organ qyzmetkerlerınıŋ sūraqtaryna jauap berıp jatyr», - dep baspasöz hatşysy feisbuk paraqşasynda habarlady.
Belgılı bolǧandai, qaitys bolǧan qyz qant diabetımen auyrǧan.
«Adyrna» ūlttyq portaly
