Zańsyz baıyǵandardan halyq baılyǵyn halyqqa qaıtarý kerek! Qandy qańtar tóńkerisin uıymdastyrǵandar jazalanýy tıis! Bul týraly Qazybek Isa depýtattyq saýal joldady, dep habarlaıdy “Adyrna” ulttyq portaly.
“Mundaı qasıetti qazaq tarıhyna qara tańba salǵan qandy qasiret qaıta qaıtalanbaýy úshin memlekettik tóńkeris jasaǵan kimder? Basshysy kim? Onyń oryndaýshylary kim? Túgel anyqtalyp, jazaǵa tartylýy tıis.
Jańa baıandamalardy tyńdadyq. Tóńkeriste otty kóseýshiler aıtyldy. Kósemi kim? Aqıqat tolyq aıtylmasa, el senimi joǵalady, al memleketti saqtaý úshin eń birinshi bılikke eń keregi eldiń senimi. Óıtkeni, sodyrlar jeıtin soqqyny momyndar da jep jatty. Al jazyqsyz jazalanbaýy qajet edi. Qamaýdaǵylardy azaptaǵandar qatań jazalanýy tıis. Jańa baıandamada 329 azaptaý dep aıtylyp jatyr. Sonda azaptaý akııasy bastalǵan ba? Álde ishki ister salasyndaǵy qalypty jaǵdaı ma?
Eń aýyry, qaza tapqandar ishinde el qamy úshin ereýilge shyqqandar da, tipti, beıbit turǵyndar da ketti. Jazyqsyz qaza tapqandardyń báriniń aty-jóni Táýelsizdikti qorǵaýda qurban bolǵan sheıtter retinde atalýy tıis. Biz ár ózgeris, árbir alǵa basqan qadamymyz úshin Qańtar qurbandary aldynda qaryzdarmyz!
Memleketke opasyzdyq jasap, Ultqa qaýipti komıtetke aınalǵan Ulttyq qaýipsizdik komıteti basshylary, qorǵanys, quqyq qorǵaý basshylary anttaryna adal bolmaǵany úshin qatań jazaǵa tartylýy tıis!
Biz maqtanyp aıtatyn El baılyǵy qaıda? Eks-prezıdent ózi moıyndaǵandaı, “kez-kelgenin qolynan súırep aparyp, sottaýǵa bolatyn” zańsyz baıyǵandardan halyq qazynasyn halyqqa qaıtarý kerek!”, -dedi Qazybek Isa.
