Şymkentte salynyp jatqan tūrǧyn üi keşenderınıŋ bırınde qaiǧyly jaǧdai oryn aldy. 24 jastaǧy jıgıt aiaqtalmaǧan lift şahtasyna qūlap, köz jūmǧan. Oqiǧa jūmys uaqytynda bolǧanymen, qūrylys alaŋynda jauapty tūlǧalardyŋ eşqaisysy bolmaǧan, dep habarlaidy "Adyrna".
Otyrar arnasynyŋ mälımetınşe, marqūmnyŋ tuystary qazany rastaǧanymen, tüsınıkteme beruden bas tartty. Qūrylys kompaniiasy da äzırge resmi pıkır bıldırmedı.
Şymkent qalasy boiynşa eŋbek departamentınıŋ mälımetınşe, polisiiadan kelıp tüsken aqparatqa säikes, nysanǧa jauapty «Aina Meir Haus» JŞS qūrylys alaŋynda Ümıtjan Baltabaev belgısız jaǧdaida qūlap, mert bolǧan. Jūmys beruşıden resmi habarlama tüspegendıkten, eŋbek inspeksiiasy prokuratura arqyly jospardan tys tekseruge rūqsat sūrady.
Qalalyq polisiia departamentı «eŋbektı qorǧau erejelerın būzu» babymen qylmystyq ıs qozǧalǧanyn habarlady. Tergeu jürıp jatyr.
Statistikaǧa süiensek, Şymkentte biyldyŋ özınde 17 adam öndırıstık jazataiym jaǧdaidan zardap şekken, olardyŋ altauy qaitys bolǧan. Köptegen ıs älı tergeu satysynda.
