Biznesmen Qairat Boranbaev Astana, Almaty jäne Qostanaida 34 milliard teŋgege taǧy bırqatar aktivterdı memleket menşıgıne ötkızdı, dep habarlaidy "Adyrna" portaly Qarjy monitoringı agenttıgınıŋ (QBM) baspasöz qyzmetıne sılteme jasap.
«Qairat Boranbaevtyŋ mülkın memleket kırısıne qaitaru şaralaryn AFM (qarjylyq monitoring agenttıgı) jürgızıp jatyr. Keŋse üi-jailary, sauda jäne oiyn-sauyq keşenı, sondai-aq dene şynyqtyru-sauyqtyru jelısı memleket kırısıne ötedı. Onyŋ ışınde qūny 33,75 mlrd teŋge bolatyn nysandar, atap aitqanda, Almaty qalasynyŋ altyn alaŋynda ornalasqan «Almaly» sauda ortalyǧynyŋ ǧimaraty, sondai-aq jalǧa beru jäne mülıktı basqarumen ainalysatyn «Unity Hall» JŞS qaitarylady. Almaty Towers biznes ortalyǧynda ornalasqan nysannyŋ audany 11 myŋ şarşy metrden asady. Sonymen qatar Fitnation fitnes-klubtar jelısı memleket menşıgıne öttı. Nysandar Astana, Almaty jäne Qostanai qalalarynda ornalasqan», - delıngen särsenbı künı taratqan habarlamada.
Qarjylyq monitoring agenttıgınıŋ mälımetınşe, «būl nysandardyŋ barlyǧy qoldanystaǧy zaŋnamaǧa säikes demalys, sauyqtyru jäne bılım beru ortalyqtaryn ūiymdastyru arqyly äleumettık maqsatta paidalanu josparlanuda».
«Aktivterdı qaitaru boiynşa jūmys jalǧasuda», - dep qosty departamentte.
Esterıŋızge sala keteiık, Boranbaev 31 nauryzda segız jylǧa bas bostandyǧynan aiyrylǧan bolatyn. 14 qyrküiekte Qarjy monitoringı agenttıgı Boranbaevtyŋ memleketke 120 milliard teŋgenıŋ mülkın qaitarǧanyn, al 15 qyrküiekte käsıpkerdıŋ bas bostandyǧynan aiyru merzımı alty jylǧa deiın qysqartylǧanyn habarlady. 14 qazanda Boranbaevqa qatysy bar Maŋǧystau oblysyndaǧy Phystech II AQ mūnai kompaniiasynyŋ 100% aksiiasy memleketke berılgenın habarlady. 16 qazanda Boranbaevtyŋ qūny 1,4 mlrd teŋge bolatyn «Comfort Hotel Astana» qonaqüiın memleket menşıgıne ötkızgenı habarlansa, 17 qazanda käsıpkerdıŋ şetelge audarylǧan 30 mlrd teŋgenı Bılım beru infraqūrylymyn qoldau qoryna audarǧany belgılı boldy.
Ūqsas jaŋalyqtar
