Bıznesmen Qaırat Boranbaev Astana, Almaty jáne Qostanaıda 34 mıllıard teńgege taǵy birqatar aktıvterdi memleket menshigine ótkizdi, dep habarlaıdy "Adyrna" portaly Qarjy monıtorıngi agenttiginiń (QBM) baspasóz qyzmetine silteme jasap.
«Qaırat Boranbaevtyń múlkin memleket kirisine qaıtarý sharalaryn AFM (qarjylyq monıtorıng agenttigi) júrgizip jatyr. Keńse úı-jaılary, saýda jáne oıyn-saýyq kesheni, sondaı-aq dene shynyqtyrý-saýyqtyrý jelisi memleket kirisine ótedi. Onyń ishinde quny 33,75 mlrd teńge bolatyn nysandar, atap aıtqanda, Almaty qalasynyń altyn alańynda ornalasqan «Almaly» saýda ortalyǵynyń ǵımaraty, sondaı-aq jalǵa berý jáne múlikti basqarýmen aınalysatyn «Unity Hall» JShS qaıtarylady. Almaty Towers bıznes ortalyǵynda ornalasqan nysannyń aýdany 11 myń sharshy metrden asady. Sonymen qatar Fitnation fıtnes-klýbtar jelisi memleket menshigine ótti. Nysandar Astana, Almaty jáne Qostanaı qalalarynda ornalasqan», - delingen sársenbi kúni taratqan habarlamada.
Qarjylyq monıtorıng agenttiginiń málimetinshe, «bul nysandardyń barlyǵy qoldanystaǵy zańnamaǵa sáıkes demalys, saýyqtyrý jáne bilim berý ortalyqtaryn uıymdastyrý arqyly áleýmettik maqsatta paıdalaný josparlanýda».
«Aktıvterdi qaıtarý boıynsha jumys jalǵasýda», - dep qosty departamentte.
Esterińizge sala keteıik, Boranbaev 31 naýryzda segiz jylǵa bas bostandyǵynan aıyrylǵan bolatyn. 14 qyrkúıekte Qarjy monıtorıngi agenttigi Boranbaevtyń memleketke 120 mıllıard teńgeniń múlkin qaıtarǵanyn, al 15 qyrkúıekte kásipkerdiń bas bostandyǵynan aıyrý merzimi alty jylǵa deıin qysqartylǵanyn habarlady. 14 qazanda Boranbaevqa qatysy bar Mańǵystaý oblysyndaǵy Phystech II AQ munaı kompanııasynyń 100% akııasy memleketke berilgenin habarlady. 16 qazanda Boranbaevtyń quny 1,4 mlrd teńge bolatyn «Comfort Hotel Astana» qonaqúıin memleket menshigine ótkizgeni habarlansa, 17 qazanda kásipkerdiń shetelge aýdarylǵan 30 mlrd teńgeni Bilim berý ınfraqurylymyn qoldaý qoryna aýdarǵany belgili boldy.
