Kásipker Qaırat Boranbaevtyń qamaýǵa alý merzimi eki aıǵa uzartyldy. Bul aqparatty Astana sotynyń baspasóz qyzmeti rastady, dep habarlaıdy “Adyrna” tilshisi.
"2022 jylǵy 12 qazanda Astana qalasynyń mamandandyrylǵan aýdanaralyq tergeý soty kúdikti Qaırat Boranbaevqa qatysty qamaýda ustaý túrindegi sankııalanǵan bultartpaý sharasynyń merzimin eki aıǵa uzartty", - delingen habarlamada.
Esterińizge salaıyq, Qarjylyq monıtorıng agenttigi Qaırat Boranbaevtyń ústinen kvazımemlekettik sektorda asa iri kólemde qarajat jymqyrý faktisimen is qozǵap, ızolıatorǵa qamaǵan bolatyn. Qazirgi ýaqytta iri mólsherde, onyń ishinde shetelde qylmystyq kiristi zańdastyrý belgileri bar neǵurlym rezonanstyq isterdi tergep-tekserý erekshe baqylaýda.
