“14,5 mlrd teńge”: Qaırat Boranbaevtyń isi sotqa joldandy

2394
Adyrna.kz Telegram

Qaırat Boranbaevtyń isi sotqa joldandy. Bul týraly QR Qarjy monıtorıngi agenttigi Qaırat Boranbaevqa qatysty suıytylǵan munaı gazyn satyp alý jáne qylmystyq jolmen alynǵan aqshalaı qarajatty zańdastyrý kezinde 14,5 mlrd teńge urlaý faktileri boıynsha tergeýdi aıaqtaǵan málimdedi, dep habarlaıdy “Adyrna” ulttyq portaly.

«Agenttik «AzııaGazChýndja» JShS quryltaıshylary Qaırat Boranbaev pen Roman Nahanovqa jáne «Qazaq Gaz» AQ Basqarma tóraǵasynyń burynǵy orynbasary Taır Januzaqqa suıytylǵan munaı gazyn satyp alý kezinde 14,5 mlrd teńge urlaý jáne qylmystyq kiristerdi zańdastyrý faktileri boıynsha qylmystyq isti tergeýdi aıaqtady», - delingen vedomstvo habarlamasynda.

2022 jylǵy 23 jeltoqsanda Bas prokýratýra isti sottyń qaraýyna jiberdi. Ulttyq kompanııaǵa keltirilgen zalal «Qazaq Gaz» AQ shottaryna aýdarý arqyly tolyq kólemde óteldi.

Aıaqtalǵan is sheńberinde azamattyq talap qoıý jáne múlikti tárkileý bóliginde úkimniń oryndalýyn qamtamasyz etý maqsatynda aıyptalýshylardyń 38 mlrd teńge somasyndaǵy aqshalaı qarajatyna, 15 jyljymaıtyn múlik obektisine, 3 avtokólik quralyna tyıym salyndy.

Agenttik Qaırat Boranbaevqa jáne basqa adamdarǵa qatysty gaz eksporty kezinde urlaý jáne qylmystyq jolmen alynǵan múlikti zańdastyrý faktileri boıynsha bólingen ister sheńberinde sotqa deıingi tergeýdi jalǵastyrýda.

QPK-niń 201-babyna sáıkes ózge aqparat jarııa etýge jatpaıdy.

Eske sala keteıik, Qaırat Boranbaev 15 naýryzda qamaýǵa alyndy. Ol kvazımemlekettik sektorda asa iri mólsherde qarajat urlady degen kúdikke ilindi.

Pikirler