Qairat Boranbaevtyŋ ısı sotqa joldandy. Būl turaly QR Qarjy monitoringı agenttıgı Qairat Boranbaevqa qatysty sūiytylǧan mūnai gazyn satyp alu jäne qylmystyq jolmen alynǧan aqşalai qarajatty zaŋdastyru kezınde 14,5 mlrd teŋge ūrlau faktılerı boiynşa tergeudı aiaqtaǧan mälımdedı, dep habarlaidy “Adyrna” ūlttyq portaly.
«Agenttık «AziiaGazChundja» JŞS qūryltaişylary Qairat Boranbaev pen Roman Nahanovqa jäne «Qazaq Gaz» AQ Basqarma töraǧasynyŋ būrynǧy orynbasary Tair Janūzaqqa sūiytylǧan mūnai gazyn satyp alu kezınde 14,5 mlrd teŋge ūrlau jäne qylmystyq kırısterdı zaŋdastyru faktılerı boiynşa qylmystyq ıstı tergeudı aiaqtady», - delıngen vedomstvo habarlamasynda.2022 jylǧy 23 jeltoqsanda Bas prokuratura ıstı sottyŋ qarauyna jıberdı. Ūlttyq kompaniiaǧa keltırılgen zalal «Qazaq Gaz» AQ şottaryna audaru arqyly tolyq kölemde öteldı. Aiaqtalǧan ıs şeŋberınde azamattyq talap qoiu jäne mülıktı tärkıleu bölıgınde ükımnıŋ oryndaluyn qamtamasyz etu maqsatynda aiyptaluşylardyŋ 38 mlrd teŋge somasyndaǧy aqşalai qarajatyna, 15 jyljymaityn mülık obektısıne, 3 avtokölık qūralyna tyiym salyndy. Agenttık Qairat Boranbaevqa jäne basqa adamdarǧa qatysty gaz eksporty kezınde ūrlau jäne qylmystyq jolmen alynǧan mülıktı zaŋdastyru faktılerı boiynşa bölıngen ıster şeŋberınde sotqa deiıngı tergeudı jalǧastyruda. QPK-nıŋ 201-babyna säikes özge aqparat jariia etuge jatpaidy. Eske sala keteiık, Qairat Boranbaev 15 nauryzda qamauǧa alyndy. Ol kvazimemlekettık sektorda asa ırı mölşerde qarajat ūrlady degen küdıkke ılındı.
Ūqsas jaŋalyqtar
