Úkimettiń ArselorMıttal Temirtaý aktıvterin jergilikti ınvestorǵa berý josparyn sarapshylar da qoldaıdy. Buryn kenshi bolyp jumys istegen qazaqstandyq elektr energetıkalyq qaýymdastyǵynyń tóraǵasy Talǵat Temirhanov bul jóninde pikirin aıtty.
Aıta keteıik, Qazaqstanda ArselorMıttal kásiporyndar tobynyń menshik ıesin aýystyrý mámilesi qyzý talqylanyp jatyr. Memlekettik organ ázirge eshqandaı málimetterdi jarııalaǵan joq, biraq koneptýaldy túrde taraptar jalpy sheshimge kelgeni belgili.
Ónerkásiptik kásiporyn qyzmetiniń ereksheligi qazaqstandyq elektr energetıkalyq qaýymdastyǵynyń basshysyna tanys. Talǵat Temirhanov jyldar boıy taý-ken ónerkásibinde, onyń ishinde "ArselorMıttal Temirtaý" kómir departamentiniń "Saran" shahtasynda 5 jyl jumys istegen. Kompanııa jumysynyń aldyńǵy shebindegi jumys ońaı emes. Jınaqtalǵan júıeli problemalardy eskere otyryp, ınvestıııalyq tartymdylyq suraqtardy týǵyzady, dep atap ótti sarapshy.
Biz AMT boıynsha ınvestorlardyń kezegi uzyn-sonar bolmaıtynyn naqty túsinýimiz kerek. Kóp tapsyrmaly baǵyt, sonymen qatar qarjylyq jáne basqa mindettemeler bar. Kompanııalar tobyn Qazaqstannyń paıdasyna berý – búgingi tańda eń ońtaıly sheshim, - dep atap ótti Talǵat Temirhanov.
Sarapshy AMT ónerkásiptik alybyn otandyq ınvestor basqarýy kerek dep sanaıdy.
Meniń oıymsha, Arselordy jaqsy menedjer sanalatyn kompanııaǵa berý kerek. Jańa ıesi kompanııanyń qaýipsizdik tehnıkasyn kúsheıtip, óndiristi jańǵyrtyp, kenshiler aldyndaǵy áleýmettik mindettemelerdi oryndaý boıynsha jedel mindetterdi oryndaýy tıis. Óndiriste tájirıbesi joq ınvestor bul mindetterdi sheshe almaıdy. Eń durysy, AMT jańa menshik ıesi úshin qoldanystaǵy óndiristik tizbektiń negizgi býyny bolýy kerek. Qazir birqatar óńdeýshi ónerkásip kompanııalary, sonyń ishinde mashına jasaý atalǵan parametrlerge saı keledi, – dep túıindedi QEQ basshysy.
9 qarashada ónerkásip jáne qurylys mınıstri Qanat Sharlapaev "Arselor" aktıvterin Qazaqstanǵa berý jónindegi mámileniń egjeı-tegjeıin aıtyp bergen bolatyn. Taraptar AMT-ny akıonerler quramynan tolyq shyǵarýǵa ýaǵdalasty. Tapsyrý rásimi qarasha aıynyń sońyna deıin aldyn ala aıaqtalady. Sondaı-aq, ýákiletti vedomstvo basshysy ónerkásip alybynyń jańa menshik ıesine qoıylatyn talaptardy aıtty. Investor ónerkásiptik qaýipsizdikke qarajat salyp, óndiristi keńeıtý jáne kásiporynnyń qýatyn arttyrý boıynsha mindettemelerdi oryndaýy kerek.
