“Qarjylaı kómek bergen qamqorshy-meenat edi”: Ánshiler Toqaevtan Qaırat Boranbaevqa raqymshylyq jasaýyn surady

3795
Adyrna.kz Telegram
Foto: vlast.kz
Foto: vlast.kz

Nazarbaevtyń eks-qudasy Qaırat Boranbaevty qoldap, bir top mádenıet ókilderi Prezıdentke hat jazdy. Bul týraly Qazaqstannyń halyq ártisi Roza Rymbaeva Instagram paraqshasyna saldy, dep habarlaıdy «Adyrna» ulttyq portaly.

«Osynaý qıyn qystaý sátterde, memleketimizdiń aıaǵynan tik turyp ketýine jáne bolashaqtyń jarqyn bolýyna úkimet tarapynan jasalynyp jatqan is-sharalardyń bastalýy, sonymen qatar quqyq qorǵaý ókilderiniń kóptegen keleńsiz jaǵdaılardyń betin ashyp jatýy da kóńilge jylý uıalatady. Biraz elimizdiń atpal azamattary jaýapqa tartylyp, olardyń jasaǵan tirlikteriniń aq-qarasy tergelip jatqanynan da habardarmyz. Solardyń biri, QR azamaty -Boranbaev Qaırat Sovetaıuly» delingen jazbada.

Sondaı-aq, Qaırat Boranbaevtyń mádenıettiń damýyna kóp kómegi tıgenin aıta ketken.

«Bizder osynaý azamatpen týǵan baýyr-týys bolmasaq ta, bizdi jaqyndastyrǵan qazaqtyń mádenıeti men án óneri edi. Boranbaev Qaırat - búgingi kúnge deıin qazaq mádenıeti men óneriniń damýyna, sonyń ishinde osy joldy arqalap júrgen óner ókilderine árkez qamqorshy bolyp qana qoımaı, kerek kezinde qarjylaı kómek bergen qamqorshy-meenat edi. Osy azamattyń kómegimen qanshama jas talant ózderiniń bıigine kóterile bildi. Qanshama óner maıtalmandary jeke konertterin, jeke albomdary men beıne klıpterin jaryqqa shyǵardy. Jas býynnyń joǵary bilim alýyna, kóptegen ata-ananyń turmys-tirshiliginiń qalypqa kelýine muryndyq boldy.

Qurmetti Prezıdent!

Bizder, tómendegi kórsetilgen óner ókilderi - qazirgi kezde basyna is túsip, tergelip jatqan Boranbaev Qaırat Sovetaıulynyń isiniń obektıvti túrde ashyq jáne jeńil bolýyna qamqorshy bolýyńyzdy ótine suraımyz», dep jazdy Instagram paraqshasyna.

Aıta keteıik, naýryz aıynda belgili kásipker «Qaırat» fýtbol klýbynyń jetekshisi, ulttyq paralımpıada komıtetiniń prezıdenti Qaırat Boranbaev ustalǵan edi. Ol kvazımemlekettik sektorda asa iri kólemde qarjy jymqyrdy dep aıyptaldy. Qazir ol sot sheshimimen 2 aıǵa qamaýǵa alynǵan.

«Adyrna» ulttyq portaly

Pikirler