Almatyda «Burkit» ekşn-filmınıŋ tūsaukeserı öttı. Kartina elımızdıŋ Mädeniet jäne aqparat ministrlıgı tapsyrysy boiynşa «Ūlttyq kinony qoldau memlekettık ortalyǧy» kömegımen tüsırıldı, dep habarlaidy “Adyrna” ūlttyq portaly 24.kz saityna sıltep.
Jaŋa film Ūlttyq ūlannyŋ qūramyna kıretın arnaiy jasaqtyŋ qiyn da qauıptı qyzmetıne arnalǧan.
Tuyndy jelısıne arnaiy jasaqta qyzmet etetın üş jauyngerdıŋ dostyǧy arqau bolǧan. Olardyŋ kündelıktı mındetı – qauıptı qylmystyq toptarǧa qarsy tūru. Sondai qylmystyq topqa qarsy teketırestıŋ bırınde üş jauyngerdıŋ dostyǧy synalady.
«Jauyngerler arasynda küreŋ beret degen özderınıŋ arnaiy ataǧy bar. Qazaqstan boiynşa osy jyldary tek qana 200 äskerde jürgen azamattar sol küreŋ berettı alǧan eken. Solardyŋ ömırı kündelıktı qalai şyŋdalatyndyǧy, qalai özderınıŋ qyzmetın atqaratyndyǧy jaiynda büge şıgesıne deiın körsetıldı. «Burkit» rejisser Daniiar İbragimovtyŋ debiuttık filmı. Ol būǧan deiın otandyq «Altynşy post» jäne «Qazbat» äskeri ekşn-filmderınıŋ prodiuserı bolǧan. Filmnıŋ tüsırılımıne arnaiy jasaq, äskeri tehnika men aviasiia, sondai-aq ekı jüzden astam merzımdı äskeri qyzmetşı qatysqan. Jedel-ızdestıru şaralary arqau bolǧan kartinanyŋ keibır epizodtary şynaiy oqiǧalarǧa negızdelgen, dedı "Ūlttyq kinony qoldau memlekettık ortalyǧy" KEAQ Basqarma töraǧasy Qūrmanbek Jūmaǧali.
Tüsırılım Almaty oblysynyŋ körıktı jerlerınde, Esık taulary men Ile özenınde öttı.
”Körkem filmde QR-nyŋ arnaiy maqsattaǧy qyzmet qyzmetkerlerınıŋ kündelıktı oryndap otyrǧan jūmysy äskeri dostyǧy men qarym- qatynastary jäne qazırgı taŋdaǧy elımızdıŋ atqaryp otyrǧan qyzmetşılerıne arnalǧan körkem film. Akterlyq qūram tüsırılım jūmystaryna kırıspes būryn bırneşe apta boiy jauyngerlık qimyldardy üirendı. Tıptı basty keiıpkerlerge bır mezette 3 myŋ metr biıktıkten tıkūşaqtan paraşiutpen sekıruge tura keldı. Al būl kadrdy tüsıru üşın operatorlardyŋ özderı de paraşiutpen sekırgen QR Ūlttyq ūlany bas qolbasşysynyŋ orynbasary Qairat Ümbetov.
Taǧy bır bas keiıpkerlerdıŋ rölın somdaǧan akter - Sanjar Mädi. Onyŋ aituynşa, sarbazdar kiımı auyr bolǧan.
“ Osy filmde menıŋ atym Feniks. Osy filmde öte qiyn tüsırılım boldy negızı. Sarbazdyŋ kiımı öte auyr. 50 kg. Basqa tartatyn şlem 15 kg boldy. Filmnıŋ qoiuşy operatory Azamat Dulatov, prodiuserı jäne äskeri keŋesşısı otstavkadaǧy polkovnik Kamal Jaqsylyqov. Basty rolderde Däuren Serǧazin, Sanjar Mädi, Asylhan Tölepov, Gülnäz Jolanova, Äsel Saǧatova, Jandos Aibasov jäne Azamat Satybaldy oinaidy” dedı akteo.
Tuyndy kinokartinanyŋ keiıpkerlerı arqyly Otanǧa degen süiıspenşılıktı, dostyq pen patriotizmdı, äskeri antqa jäne qyzmettık mındetke degen adaldyqty därıpteidı. Filmdı kinoteatrlardan köruge bolady.
Ūqsas jaŋalyqtar
