Qazaqstanda jaŋa mūnai ken oryndaryn barlau üşın bır top şeteldık kompaniia 500 mln dollar salmaq, dep habarlaidy “Adyrna” tılşısı.
Atap aitqanda, amerikalyq Chevron, britandyq Shell jäne qytailyq Sinopec pen China National Offshore Oil Corporation kompaniialarynyŋ qatysuymen konsorsium qūru josparlanyp otyr. Bırlesken käsıporynǧa şamamen 500 mln dollar investisiia salu közdelgen.
«QazMūnaiGaz» ūlttyq kompaniiasy basqarma töraǧasynyŋ bırınşı orynbasary Qūrmanǧazy Esqazievtıŋ aituynşa, taraptar seismikalyq barlau jūmystaryn jürgızıp, keiın ızdeu ūŋǧymalaryn būrǧylau mümkındıgın qarastyryp jatyr. Sonymen qatar ministrlıktermen 23 joba boiynşa kelıssözder jürgızılude.
Jaŋa konsorsium aiasynda tereŋdıgı 5,5–10 şaqyrym bolatyn ūŋǧymalardy būrǧylau josparlanǧan. Qazırgı ırı mūnai ken oryndaryndaǧy ūŋǧymalardyŋ eŋ ülken tereŋdıgı şamamen 5,5 şaqyrymǧa jetedı.
Basylymnyŋ mälımetınşe, konsorsiumdy 2026 jyldyŋ soŋyna deiın qūru josparlanyp otyr.
Atalǧan kompaniialardyŋ barlyǧy Qazaqstanda jūmys ısteidı jäne elımızdegı ırı mūnai ken oryndaryn igeruge baǧyttalǧan basqa da konsorsiumdardyŋ qūramyna kıredı.
Qazaqstanda kömırsutek şikızatynyŋ 350-den astam ken orny bar. Qazır mūnai öndıru kölemı şegıne jetken nemese tömendei bastaǧan ken oryndarynyŋ ülesı basym. Osyǧan bailanysty el bilıgı mūnai öndıru kölemın saqtau jäne arttyru maqsatynda geologiialyq barlau jūmystaryn keŋeitudı közdep otyr.
