Májilis depýtaty Qazybek Isa dinı teris aǵymdarǵa baılanysty Premer-mınıstr men Ulttyq Qaýipsizdik komıteti tóraǵasyna depýtattyq saýal joldady, dep habarlaıdy adyrna.kz ulttyq portaly.
“Bizdiń saýalymyz basqa edi, biraq men búgingi din jaıly mańyzdy taqyrypta sóılesem deımin.
Qurmetti áriptester, dinı radıkalızmge zańmen qatań tyıym salatyn kez jetti!Óıtkeni olar ultty joıý kúresin qatty qarqynmen jalǵastyrýda.
“Aq jol” partııasy parlamentte talaı jyldan beri dinı teris aǵymdarǵa qatań tosqaýyl qoıatyn zań qabyldaýdy usynyp kelemiz.
1.2011 jyly bul máseleni bılik te qolǵa alyp, barlyq mınıstrlik pen Bas prokýratýra men Joǵary sot ta qoldaǵanda, qaı organ qarsy boldy?!. Tek Ulttyq Qaýipsizdik komıteti qarsy shyǵyp, osy tyıym salý zańǵa enbeı qaldy.
2.Men muny sol kezde Ulttyq Qaýipsizdik komıteti uıymdastyrǵan konferenııada «Radıkaldyq teris aǵymdarǵa qarsy zań qabyldaýǵa tek sizder ǵana qarsy boldyńyzdar! Aramshóptiń tamyryn joımasa, tek betin ǵana shapqan bolsa, ol qaıta qaýlap shyǵa beredi. Sizder osylaı eldi aldap kelesizder!» – dep, ashyq aıttym.
3.”Qazaq úni” gazetine: “Ulttyq qaýipsizdik komıteti - ultqa qaýipti komıtet pe?”-degen maqala da jazdyq.
Endi sol kúdigimiz keshegi QAŃTAR qasiretinde rasqa aınaldy.
4.Al 2009 jyly da din zańyna ózgerister engiziletin boldy da, biz “Qazaq úni” gazetinde Dinı basqarmamen birigip, zańǵa dinı aǵymdarǵa tyıym salatyn bap engizý máselesin kóterdik”, - dedi ol.
Qazybek Isa sol kezdegi solqyldaq bılik osy tyıym salý babyn engize almaǵanyn aıtady. Depýtat der kezirde zań qabyldanǵanda Qańtardyń qandy qasabyna aınalǵan nebir qaıǵyly oqıǵalar bolmas edi dep málimdedi.
“6.Kezinde akademık Rahmanqul Berdibaı “Qazaq úni” gazetinde jazǵandaı, “Hazarııa qasiretin” umytpaıyq! 7-10 ǵasyrlarda ómir súrgen,
1)eline barlyq dinı aǵymdardy kirgizgen, 2)kóp dindi, kóp tildi el,
3)bıliginen bastap, saýdagerlerine deıin ózge tilde sóılegen Hazarııadaı túrki memleketi qazir qaıda? Kartada joq!-Joıylyp ketti!
7.”Dini bar da, ulty joq, Saqaly bar da, murty joq, El túbine sol jeter! – dep, bir ǵasyr buryn jazǵan Máshhúr Júsip áýlıe shynynda kóregen eken.
8.Men ózim osy jasymda keshege deıin murty joq saqaldylardy kórgen emespin. Murty joq, tek saqaly sapsıyp turǵan Han Abylaıdy, Áıteke, Tóle, Qazybek bılerdi, Er Mahambet, Uly Abaı, Jambyl, Álıhandardy elestete alamyz ba?!. Qazirgi shet elge baryp, kúmándi oqýlarda birneshe aı oqyp kelgen teris aǵymdy «ustazdar» osy ulylarymyzdan artyq, aqyly asyp, bilimi tasyp kelgender me?
9.Qazir án áleminde, aıtysta, sportta da taırańdap júrgen jat aǵymnyń ókilderi dindi jamylyp alyp, áriptesteri men ánsúıer, jankúıerlerine óz «salttaryn» kirgizip jatyr.
10.Ótken 30 jyldyq teris saıasat qazaqtyń «nur» degen jalyndy sózin jaǵymsyz sózge aınaldyrsa, teris dinı aǵymdar tipti, eń qymbat, ana degen aıaýly atpen qatar atalatyn «Sheshe» degen qasterli ataýǵa qara kúıe jaǵyp, «ustaz» degen ulaǵatty uǵymnyń mánin qurtty.
11.Dinı teris aǵymdaǵylar eldi ekige bólip, myltyqsyz-aq myńdaǵan jastarymyzdy qazaqtyń qatarynan shyǵaryp qana qoımaı, ultty joıý úshin elge qarsy qaýipti kúshterge aınaldyryp jatyr.
12.Dinge, tilge, jerge
qarsy elbuzar teris aǵymdardyń bárine zańmen tosqaýyl qoıylýy tıis!
13.El úshin eń qymbat Ultqa, adam úshin eń aıaýly - Áke-Sheshege, Qazaqqa eń adal Dombyraǵa qarsy haram pıǵyldylardyń erkin tarap jatqan El túbine jeter vırýsyn shuǵyl zańmen toqtatatyn kez jetti!
14.Ulttyq múddemiz ben dástúrimizge, el birligine balta shaýyp, Memleketke taǵy da qater tóndirip jatqan Dinı teris aǵymdarǵa zańmen qatań tyıym salý qajet”, - dedi Qazybek Isa.
