Májilis otyrysynda Qazaqstan halyq partııasy atynan saılanǵan depýtat Gaýhar Tanasheva tórt bala tárıbelep otyrǵan áıelderdiń zeınet jasyn tómendetý qajettigin aıtty. Meje - 53 jas, dep habarlaıdy "Adyrna" ulttyq portaly.
Depýtat Gaýhar Tanasheva óziniń depýtatttyq saýalyn premer-mınıstrdiń orynbasary Altaı Kólginovke joldap, tórt nemese odan da kóp balasy bar analarǵa qatysty mańyzdy máseleni kóterdi.
"Tórt bala tárıbelep otyrǵan kópbalaly áıelderdiń zeınetkerlik jasyn 53 jasqa deıin tómendetý kerek. Qazirgi zańnamaǵa sáıkes bes nemese odan da kóp bala týyp, asyrap alǵan jáne olardy 8 jasqa deıin tárbıelegen kópbalaly analar ǵana 53 jasqa deıin zeınetke shyǵady. Sondaı-aq balanyń 8 jasqa deıin tárbıeleý mindettemesin alyp tastaý máselesin qarastyrýlaryńyzdy suraımyz", – dedi Gaýhar Tanasheva.
Sonymen qatar, májilis minberinde sóz alǵan depýtat kópbalaly otbasylarǵa beriletin járdemaqy jaıyn sóz etti. Ony kishi perzenti kámelet jasqa tolǵanǵa deıin berýdi usyndy.
"Qazirgi tańda kópbalaly otbasynyń tórt balanyń ishindegi úlken balasy 18 jasqa tolǵan kezde, ol otbasy kópbalaly degen mártebesinen aıyrylady. Tórt jáne odan da kóp balasy bar ata-analarǵa balalarynyń jasyna qaramastan kópbalalylarǵa beriletin járdemaqyny kishi balanyń kámeletke tolǵanǵa deıin berýdi qarastyrýdy usynamyz", – deıdi depýtat.
Depýtattyń aıtýynsha, kópbalaly otbasylar - ulttyq qaýipsizdik pen ulttyq ekonomıkanyń negizi. Olarǵa erekshe kóńil bólý men kópbalaly ana mártebesin bekitý - basty mindetterdiń biri. Sonymen qatar, depýtat halyq sanyn kóbeıse, memlekettik tildiń taralý jáne damý múmkindiginiń de artatynyn eske saldy.
"Adyrna" ulttyq portaly
