Bügın - balalar jazuşysy Berdıbek Soqpaqbaevtyŋ tuǧan künı. Qazaq ädebietıne özgeşe örnek syilaǧan jazuşynyŋ tuǧanyna biyl 99 jyl, dep habarlaidy "Adyrna" tılşısı.
Balalar ädebietınıŋ alyp bäiteregı Berdıbek Soqpaqbaev 1924 jyly 15 qazanda Almaty oblysynda düniege kelgen.
Qarapaiym şaruanyŋ otbasynda ömırge kelgen jazuşy anasynan erte aiyrylyp, jetımdıktıŋ tauqymetın tartqan.
Jazuşy ädebiet älemınde özınıŋ soqpaq jolynda qara söz de, öleŋ de jazǧan. Jazuşynyŋ şoqtyǧy biık, barşa oqyrmanǧa tanys şyǧarmalary - "Menıŋ atym Qoja", "Balalyq şaqqa saiahat", "Ölgender qaityp kelmeidı".
İnstitutta bılım alǧan Berdıbek Soqpaqbaev şäkırt tärbieleuge den qoiǧan. Eŋbek jolyn özınıŋ tuǧan ölkesı Narynqolda bastap, bırneşe jyl auyl mektebınde ūstazdyq ettı.
Qazır mektep oqulyqtarynda kezdesetın bırneşe öleŋ men äŋgımenıŋ avtory - Berdıbek Soqpaqbaev.
Jazuşy talaidyŋ süiıktı filmıne ainalǧan, qazaq kino önerınıŋ altyn qoryna engen "Menıŋ atym Qojanyŋ" ssenariiın jazdy.
1963 jyly ekranǧa şyqqan būl tuyndy qazaq kino önerınıŋ qasiettı boitūmary sanaldy. 1967 jyly balalar men jasöspırımderge arnalǧan filmderdıŋ Kann qalasynda ötken halyqaralyq festivalınde "Menıŋ atym Qoja" filmı jüldege ie bolǧan.
Al "Menıŋ atym Qoja" povesı kıtap türınde basylyp, oqyrmanǧa jol tartqan. Tuyndynyŋ jaryq körgenıne 66 jyldan assa da, öz oqyrmanyn älı jalyqtyrǧan joq.
Ūqsas jaŋalyqtar
