2020 jylǧy 11 jeltoqsan künı Türkıstan oblysy Qazyǧūrt tauynyŋ etegındegı "Keme qalǧan"alaŋynda "Auyldyqtar atqa qondy, qoldaiyq!" atty aksiiasy ötkızılıp, Qazaqstan Respublikasy Parlamentı Mäjılısı men mäslihat deputattaryn sailau nauqanynyŋ simvolikalyq türde bastalǧanyn jariialady, dep habarlaidy "Adyrna" ūlttyq portaly partiianyŋ baspasöz qyzmetıne sılteme jasap.
Is-şaraǧa QR Parlamentı Mäjılısınıŋ deputattyǧyna kandidattar: T.S.Rahimbekov, K. K. Aituǧanov, B. Tölegen, Z. A. Älıpbekov, D. Käpūly, K. A. Aralbekova, N. G. Arsiutin, A. A. Satybaldin, D. K. Quatov jäne B. D. Qystauov qatysty.
"Auyl" partiiasynyŋ töraǧasy Äli Bektaev, QR Parlamentı Mäjılısınıŋ deputattyǧyna kandidat Qarlyǧaş Aralbekova, Parlament Mäjılısınıŋ deputattyǧyna kandidat, aqyn jäne jazuşy Däuletkerei Käpūly qūttyqtau söz söiledı.
"Aŋyz boiynşa, adamzatty su tasqynynan qūtqarǧan Nūh kemesı osy jerge toqtady. Adamzat balasynyŋ ösıp-önuı däl osy jerden bastau alady. Sondyqtan qasiettı Qazyǧūrt jerın jaŋǧyru jäne jaŋaru mekenı dep atauǧa bolady. Sol sebeptı "Auyl" partiiasy özınıŋ ügıt-nasihat nauqanyn osy jerden bastaudy ūiǧardy.
"Atqa qonu" ūǧymy halqymzdyŋ müddelerın qorǧau üşın küş jūmyldyrudy bıldıredı. Atqa qonǧandar jaqsylyqtyŋ jarşysy, partiianyŋ josparlary men ūsynystarynyŋ habarşysy bolady. Sondyqtan barlyq kandidattardyŋ bırınşı kezektegı mındetı partiianyŋ sailaualdy baǧdarlamasyn ärbır auylǧa, ärbır qazaqstandyqqa jetkızu" - dep atap öttı Ä. Bektaev.
Aqsaqaldardyŋ atynan memleket jäne qoǧam qairatkerı, "Auyl" partiiasynyŋ Türkıstan oblysy boiynşa öŋırlık filialynyŋ basşysy İsmat Tūrsynqūlūly tılek bıldırdı.
Qazaqstandyq estrada ökılderı - Jūbanyş Jeksenūly, Meiramkül Tantabaeva, Bäkır Bektūrov, "Megapolis" triosy, Pavel Kim auyl jaily, Otanǧa degen süiıspenşılık turaly änder şyrqady.
Is-şara "Auyldyqtar atqa qondy"şeruımen aiaqtaldy.
Esterıŋızge sala keteiık, "Auyl" partiiasy özınıŋ sailaualdy baǧdarlamasyn qalyptastyru aldynda "El amanaty"atty jalpyūlttyq saualnama jürgızıp, ärbır qazaqstandyqtyŋ ūsynystary men problemalyq mäselelerın qarastyrǧan bolatyn. El-jūrttan jinalǧannyŋ barlyq mäselelerdı "Auyl" partiiasy amanat retınde öz nūsqaulyǧyna aldy.
Ūqsas jaŋalyqtar
