"ەلىمىزدىڭ سولتۇستىك وڭىرلەرىندەگى اۋا رايىنىڭ قولايسىزدىعى مەن جايسىز جاعدايلارعا بايلانىستى پرەزيدەنت قاسىم-جومارت توقاەۆ ۇكىمەتكە استىق وندىرەتىن فەرمەرلەر مەن شارۋا قوجالىقتارىنا قارجىلاي جانە وزگە دە قاجەتتى كومەك كورسەتۋدى تاپسىردى", دەلىنگەن اقوردانىڭ ءباسپاسوز قىزمەتى تاراتقان حابارلامادا.
ەسكە سالا كەتەيىك، قازاقستاننىڭ سولتۇستىك وبلىستارىندا اۋا رايى سالقىنداپ، جاڭبىر مەن ۇسىك سالدارىنان استىقتىڭ ساپاسى تومەندەۋى مۇمكىن ەكەندىگى حابارلانعان ەدى.
قازاقستاننىڭ نەگىزگى استىق ەگەتىن وڭىرلەرى – قوستاناي، پاۆلودار، سولتۇستىك قازاقستان، اقمولا وبلىستارىندا ەكەندىگى بەلگىلى. اتاۋلى وڭىرلەردە سوڭعى ەكى اپتا بويى جاۋىن-شاشىن تولاستاماي تۇر. قازگيدرومەت مۇنىڭ دا الداعى كۇندەردە دە جالعاساتىن ايتادى. ناقتىراق ايتقاندا، جاۋىن-شاشىن 17 قىركۇيەككە دەيىن جالعاسىپ، اياز تۇسەدى، سونىڭ سالدارىنان سولتۇستىك وڭىرلەردە جاڭا ءداننىڭ ءونىپ كەتۋى جانە ىلعالدىڭ جوعارىلىعىنان ساپاسىنىڭ تومەن بولۋ قاۋپى بار.
"ادىرنا" ۇلتتىق پورتالى
