Oqu jyly bastaluǧa tura jarty ai qalǧanda Oqu-aǧartu ministrı mekteptegı hidjap mäselesı turaly sūraqqa taǧy da naqty jauap bermedı.
Juyrda Oqu-aǧartu ministrı Ǧani Beisembaevtyŋ qatysuymen ötken kezdesude, oquşylardyŋ mektepte hidjap kiiu mäselesı söz bolǧan edı. Sol kezdesude oquşylardyŋ hidjap kiiuın mäsele etıp kötergen azamattyŋ ūsynysyn ministr qoldaǧandai keiıp tanytqan bolatyn. Ǧani Bektaiūlynyŋ osy äreketı äleumettık jelıde qyzu talqylanyp, narazylyq tudyrdy.
«KONSTİTUSİIаǦA SÄIKESTIK» QANDAI BOLADY?
Bügın, 15 tamyzda Ükımet otyrysynda däl osy sūraqty Ǧani Bektaiūlynyŋ özıne qoidyq.
«Hidjap kiiuge rūqsat beresızder me?» degensūraqqa ministr «Bız bır närsenı tüsınuımız kerek. Bız bärımız oǧan kelıstık, Konstitusiiada jazylǧan, bız zaiyrly memleketpız. Sondyqtan mektepter de Konstitusiiaǧa säikes ömır süruı kerek dep esepteimız» dep syrǧyta jauap berdı.
Ministrden naqty jauap bolmaǧan soŋ«Oquşylar mektepte hidjap kie me, kimei me?Naqty jauap berıŋızşı...» dep ındete sūrauǧa tura keldı.
«Men jauap berdım ǧoi. Zaiyrly memleket bolǧannan keiın zaiyrly memlekettıŋ zaŋyn oryndauǧa tiıstımız. Jalpy, bız mektepte bılım daǧdylaryn qalyptastyrǧan kezde bızdıŋ memlekettıŋ zaŋdaryna säikes, oqu prosesı sol jerdegı üderıste jürgızılu kerek. Sondyqtan da zaŋ qai memlekettık organda bolsa da qataŋ saqtaluǧa tiıstı. Bız osy zaŋ jolymen jüretın bolamyz», - dedı ministr.
«MINDETTI TÜRDE BILIM ALU» ÜŞIN NE ISTEU KEREK?
Ǧani Bektaiūlynyŋ naqty sūraqqa qipaqtap, aşyq jauap bermegenı tüsınıksız. 2022 jyldyŋ mausym aiynda Ashat Aimaǧambetov Bılım jäne ǧylym ministrı bolyp tūrǧanda hidjapqa qatysty sūraqqa bylai jauap bergen bolatyn.
«Ministrlıktıŋ tiıstı būiryǧy bar. Bız – zaiyrly memleketpız. Mektepter de zaiyrly mekeme. 2016 jyldan berı qabyldanǧan būiryq bar. Ol özgermedı jäne öz küşın joiǧan joq. Ärine, mektep formasyn saqtau kerek. Alaida şyndyqqa tıke qarap, problemany jasyrmauymyz qajet. Osy mäselege qatysty balalardyŋ mektepke barmai jürgen faktılerı de bar. Bılımnıŋ inkliuzivtı boluy öte maŋyzdy, iaǧni osy balalarǧa bılım beruımız kerek. Ol onlain formatta da boluy mümkın. Qazır mektepke barmaityn balalar ne ıstep jatyr? Mysalǧa ol balalar «şetelde oqimyz» dep mektepten qūjattaryn alyp ketedı. Bıraq şyndyǧynda olar Qazaqstannyŋ şekarasynan syrtqa şyǧyp, eşqaida barmaidy. Elımızde onlain bılım beru bolmaǧandyqtan körşı memleketterdıŋ onlain-mektepterınen bılım oqyp jatyr. Al keibırı tıptı mektepke barudy mülde qoiǧan. Al mūndaiǧa jol beruge bolmaidy. Balalarymyz mındettı türde bılım aluy kerek», - degen edı Aimaǧambetov.
2021 jyldyŋ qyrküiek aiynda Ashat Qanatūly oquşylar mektep formasy kiiu kerek ekenın eskertken bolatyn.
«Zaiyrly memleket bolǧannan keiın dıni mäsele,ne basqa mäsele dep bölmeimız. Mektepterdıŋ erejesı bar, ministrlık bekıtken arnaiy būiryq bar. Osy būiryqtyŋ şeŋberınde jūmys ısteuımız kerek. Hidjap bolsyn, qysqa iubka bolsyn, mektep formasyna säikes kelmeitın basqa da kiımdermen mektepke keluge bolmaidy. Talap barlyǧyna bırdei. Memlekettık standart degen bar, talap bar, zaŋ bar, memlekettık bolsyn, jekemenşık bolsyn, bılım beru ūiymdary bekıtılgen erejenı oryndauy tiıs,» - degen bolatyn Ashat Aimaǧambetov.
Serık Joldasbai
