Ótken aıdyń sońynda, oqý mınıstri Gabrıel Attal mektep mekemesine abaya kıip kelýge tıym salynatynyn aıtqan bolatyn. 300-ge taıaý qyz baldar abaıasymen kelgen edi. Mektepke kirgizbeı, árqaısysynyń áke-sheshesiniń atyna jeke hat joldady mınıstr Attal.
Qarsy bolǵandar boldy, alǵashqyda. Qazir tıylǵan sııaqty, sebebi ol týraly aqparat jarııa etilmeıdi.
Degenmen, ásire dindarlar qarsylastyqtyń túrin ózgertip jatyr.
Myna habarǵa qaraǵanda, 16 jáne 17 jastaǵy eki jasóspirim bir kolledjdiń (bizdińshe - orta mektep) bilim berý jónindegi aǵa keńesshige telefon arqyly doq (harcèlement) kórsetken.
Polıııa olardy ustap alyp, qylyqtarynyń sebebin surasa, ınternet arqyly kelip túskenin aıtypty jasyryn dinı baǵyttaýshylar.
“Quqyq-myqyǵym bar” dep, bizdiń nadandardyń sózin aıtpapty, sebebi debat kezinde jigin ashyp, jolyn kórsetip qoıdy zań mamandary men Ádilet mınıstri.
Hıdjap týraly bolǵan dıskýssııada mınıstr Balaevanyń pikirin estidim. Ókimet basshysynyń sózin de, biraq zań mamandarynyń aýyz ashqanyn baıqamadym.
Strategııalyq ınstıtýttyń arnaýly mamandarynyń, fılosofııa, zań, etnologııa Instýttarynyń ǵalymdarynyń pikirin de kórgenim joq. Olaı bolsa, ondaı ınstıtýttardyń keregi ne?
Prezıdenttiń sózin qaıtalaý ma, toty qustaı?
Másele bastaǵy oramalda emes, Konstıtýııada bekitilgen prınıpti qorǵaýda.
Sondyqtan, jaýynnyń qurtyndaı - ne óli, ne tiri emes - shubalańdap jatýdyń qajeti joq.
Batyl da pármendi qımylmen konstıtýııalyq joldyń myzǵymas ekendigin kórsetý kerek barshaǵa.
