Belgılı saiasatker Ǧalymjan Jaqiianov būrynǧy dosy, ärı ärıptesı Tölen Toqtasynov ekeuınıŋ arasyndaǧy sot barysy jäne onyŋ jaŋǧyryǧy turaly mälımdeme jasady.
Ol būl turaly Facebook jelısındegı paraqşasynda jariialaǧan. Jaqiianov Qaŋtar oqiǧasynan keiın bilık basşylaryn synaǧanyn, oǧan tıkelei jauap bolmaǧanyn, bıraq qazır osy synǧa bilık basqaşa jauap berıp otyrǧanyn aitqan. Onyŋ oiynşa, “bilıkke täueldı keibır aqparat qūraldary” osy jaitty paidalanyp, “laqap” taratyp jatyr eken.
Mäsele "Adyrna" ūlttyq portalyna qatysty aitylǧandyqtan, portal ärqandai “laqap”, nemese daqpyrt mälımet taratuǧa jäne belgılı bır tarapty jaqtap, basqalardy dattauǧa müddelı emes ekenın taǧy da eske salady.
Jaqiianovqa portaldyŋ iutub arnasynyŋ mınberın paidalanudy ūsynyp otyruymyz — sonyŋ aiǧaǧy. Bız söz bostandyǧy zaŋdylyqtaryna säikes ekı tarapqa da teŋ mınber beru qaǧidatyn eskere otyryp, Ǧalymjan Jaqiianovtyŋ atalǧan mälımdemesınıŋ bır ärıpın de özgertpei nazarlaryŋyzǧa ūsynamyz.
"Adyrna" ūlttyq portaly
Ǧalymjan Jaqiianovtyŋ mälımdemesı Qūrmettı dostar men jurnalister qauymy! Özderıŋızge mälım, byltyrǧy Qaŋtar oqiǧasynan berı BAQ pen Facebook-ta menıŋ sūhbattarym men maqalalarym şyǧyp jür. Onda men jurnalistterdıŋ sūraqtaryna jauap berıp, qoǧamymyzdy alaŋdatatyn keibır mäselelerdı kötergenmın. Sonyŋ ışınde būrynǧy jäne bügıngı bilık basşylaryna bailanysty syni pıkırım de bar. Bilık tarapynan aitqanymdy joqqa şyǧaratyn ne tıkelei jauap bolmady, ne qandai da bır ün qaitara almady. Alaida, olardyŋ jauaby basqaşa boldy. Bilıkke täueldı keibır aqparat qūraldary men adamdar menıŋ jeke basyma bailanysty laqap tarata bastady. Būl nauqanda būrynǧy dosym Tölen Toqtasynov jäne onyŋ jaqyndary baiqaldy. Ol ortamyzdaǧy daudy özara kelısım nemese zaŋ jolymen şeşudıŋ ornyna būqara nazaryna jügındı. Nazar audaratyn maŋyzdy jait– būl dau memleket nemese qoǧam şarualaryna jatpaidy. Men ekeuımızdıŋ ıskerlık qarym-qatynasymyz qoǧamdyq talqylaudyŋ taqyrybyna ainalǧanyna ökınışımdı biylǧy qaŋtardaǧy mälımdememde aitqan edım (qūjatqa sılteme: https://abai.kz/post/163107). Al, T. Toqtasynov pen M. Ospanov arasyndaǧy sot turaly aqparatty myna sıltemede taba alasyzdar: (https://ratel.kz/.../byvshij_deputat_tolen_tohtasynov...). Ol sotta Toqtasynov jeŋılıp, qaryzdy bop tabyldy. Sonymen qatar, men ar-namysyma nūqsan keltırıp jala japqany üşın Tölen Toqtasynovty jauapqa tartuyn Almaty qalasynyŋ äkımşılık sotyna ötınış bıldırdım. 3-4 aiǧa sozylǧan sot ony kınəlı dep tauyp, 13 mausymda öz şeşımın şyǧardy (Sılteme: https://t.me/GZhakiya/18). Degenmen, T. Tohtasynovtyŋ taraby sot jauapkerdıŋ qatysuynsyz şeşım şyǧardy degen uäj aitty. Bıraq onyŋ sotqa qatysudan bas tartyp jürgenın aitpady. Şyn mänınde, sot otyrysy bırneşe märte boldy. Sot qaşqalaqtap jürgen T. Tohtasynovty mäjbürlı türde sotqa qatystyru üşın polisiiany aralastyru jaily ūiǧarym şyǧardy. Polisiia onyŋ üiıne 6 ret baryp, kezdese almaǧan. Jauapkerdıŋ jūbaiy, ūly men qyzy polisiiaǧa onymen bailanysy joq degen mälımet bergen (Sılteme: https://t.me/GZhakiya/19) Sot barysynda T. Tohtasynovtyŋ kınäsın däleldeitın türlı faktıler keltırılıp, filologiialyq saraptama qarastyryldy. Ol saraptamada «ADYRNA ULTTYQ PORTALY» YouTube-kanalyna şyqqan interviude «şyndyqqa säikes kelmegen jaǧdaida Ǧ. Jaqiianovtyŋ ar-namysyna, qadır-qasietıne jäne ıskerlık bedelıne ziian keltıretın mälımetter bar» degen qorytyndy jasaldy (Sılteme: https://t.me/GZhakiya/20 ) Bügın T. Toqtasynovtyŋ şaǧymy boiynşa appeliasiialyq sottyŋ otyrysy öttı. Şaǧym iesı özı qatysudan taǧy da bas tartyp, ornyna advokatyn jıberıptı. Ol bolǧanda, Toqtasynovtyŋ meken-jaiy Qazaqstanda emes Moŋǧoliiada, sot otyrystary turaly habarsyz degen siiaqty äŋgımelerın qaitalady. Bız öz kezegımızde, būl sözderı şyndyqqa säikes kelmeitının jäne Toqtasynovtyŋ kınäsın däleldeitın basqa da qūjattardy sottyŋ aldyna tarttyq (Sılteme: https://t.me/GZhakiya/21). Nätijesınde, aldyŋǧy sot şeşımı küşınde qaldy. Aldynda atalmyş sottyŋ şeşımı «Adyrna» basşylyǧyna jıberılgen bolatyn. Alaida redaksiia sottyŋ şeşımıne nazar audarmai, T. Tohtasynovtyŋ sūhbatyn alyp tastaudan bas tartty. Sol sebepten, sait adresıne sotqa deiıngı şaǧym joldandy. Esesıne, saitpen onyŋ bas redaktory menı jurnalistke qysym jasady dep aiyptap, negızsız bırneşe maqala jariialap otyr. Qaitalap aitaiyn, men «Adyrnaǧa» jalǧan aqparat taratpaŋyzdar degen ǧana talap qoiyp otyrmyn. Sondai aq, jalǧan aqparat Qazaqstanmen şektelmei Moŋǧoliianyŋ da keibır BAQ-ta şyǧypty. Būlardyŋ bärı «zakazben» jasalǧanyna kümänım joq. Osyǧan bailanysty mäsele Ūlan-Batyr qalasynyŋ üş sotşynyŋ qatysuymen qaralyp, artynan appeliasiialyq sot öttı. Nätijesınde, Moŋǧoliianyŋ da sot oryndary taratylǧan aqparattyŋ bärı jalǧan dep tapty jäne menıŋ ar-namysymdy qorǧau turaly qorytyndy şeşım şyǧardy (Sılteme: https://t.me/GZhakiya/22 ). Qazırgı äleumettık jelılerde ötırıktı şyndai körsetu, adamnyŋ ar-namysyna tiiu, bedelıne daq tüsıru oŋai düniege ainaldy. Keiıngı kezde özıme qatysty sondai ıs-ärekettıŋ kuäsı bolǧandyqtan osy postty jazyp otyrmyn.Ūqsas jaŋalyqtar
