Qostanaida mektepterge "şabuyl jasaimyn" dep jalǧan aqparat taratqan adamnyŋ kım ekenı anyqtaldy, dep habarlaidy "Adyrna" tılşısı.
Eldı dürlıktırgen adam 10 jastaǧy bala bolyp şyqty.
Qostanai oblysy Polisiia departamentı baspasöz qyzmetınıŋ mälımetınşe, äleumettık jelıde jalǧan aqparat taratqan adam anyqtalǧan.
"Äleumettık jelıde terrorlyq äreket taqyrybyndaǧy jariialanymdy körgen ol mätının köşırıp alǧan. Sosyn oǧan foto qosyp, montajdaǧan. Keiın WhatsApp arqyly synyptastaryna taratqan. Atalǧan derek boiynşa qylmystyq ıs qozǧaldy. Tergeu amaldary jürgızılıp jatyr. Oquşynyŋ ata-anasy QR zaŋnamasyna säikes jauapkerşılıktı arqalaidy", - delıngen habarlamada.Äleumettık jelıde 15 aqpan künı Qostanai mektepterınde atys ūiymdastyrylatyny turaly habarlama tarap, köptı dürlıktırgen bolatyn. Endı balaqaidyŋ ata-anasy da sot aldynda jauap beredı.
Ūqsas jaŋalyqtar
