Belgılı saiasatker Ǧalymjan Jaqiianovtyŋ "Adyrna" ūlttyq portalyna sotqa deiıngı şaǧym joldap, käsıpker Tölen Toqtasynovpen bolǧan sūhbatty portaldyŋ iutub arnasynan alyp tastaudy, sonymen qatar 1 000 000 teŋge moraldık şyǧyn töleudı talap etıp otyrǧanyn habarlaǧanbyz. Soǧan orai, belgılı jurnalist Güljan Erǧalieva facebook-tegı paraqşasynda öz oiyn jazyp, Jaqiianovtyŋ qadamyn avtokrattyŋ ısı retınde baǧalady, - dep habarlaidy "Adyrna" ūlttyq portaly.
Qazaqtyŋ Hamit Erǧalievtai arqaly aqynynyŋ qyzy, erkın oily jurnalist Güljan Erǧalievanyŋ jazbasyn qazaq tılıne audaryp, nazarlaryŋyzǧa ūsynamyz.
"Jaqiianov jurnalistermen sottasyp jatyr... Būryn soŋdy bolmaǧan özgeşe qadam. Būl turaly jazbany "Adyrna" ūlttyq portalynan körıp, taqyrypqa qyzyǧuşylyǧym artty.
Qaŋtar aiynda atalǧan portal Tölen Toqtasynov atty azamattan sūhbat alypty, ol sūhbatqa Toqtasynov pen Ǧalymjan Jaqiianov arasyndaǧy biznes kikıljıŋderı özek bolǧan. Būrynǧy dos-serıktesterdıŋ būǧan qalai jetkenı öz aldyna jeke äŋgıme. Baiqauymşa, būl kikıljıŋnen kerosinnıŋ iısı şyǧyp tūrǧandai. "№1 demokrat" sanalatyn, özınıŋ manifesı, memlekettegı söz bostandyǧy üşın 7 jyl türmede otyrǧandai körınetın Jaqiianov jas tılşını sotqa berse, ol ıs jüzınde ädettegı avtokratqa ainalyp şyǧa keletını anyq. Qyzyǧy ol ekınşı tarapty söiletıp, interviu alǧan tılşını «jala japtyŋ» dep aiyptap otyr.
Şyn mänınde, jurnalist jala jauyp otyrǧan joq, Ol tek taqyrypty tolyq qamtu üşın sūraqtar qoiǧan. Būl - onyŋ jūmysy. Alaida "qazaqtyŋ Mandellasy" özınıŋ zaŋgerı arqyly atalǧan sūhbatty portaldan alyp tastap, keşırım sūrap, ol az bolsa, ötemaqy retınde 1 000 000 teŋge töleudı talap etıptı. Būl sızderdıŋ esterıŋızge nenı salady? Maǧan täuelsız basylymdardyŋ ünın öşırıp, söz bostandyǧyn şekteitın Hunbeibin däuırı men Nazarbaev maşinasyn esıme tüsırdı.
Jaqiianovtyŋ jurnalisterden sūrap otyrǧan basty talaby ne? Onyŋ oiynşa, (tek qūlap qala körmeŋız) jurnalister sūhbat alyp, halyqqa ony taratpas būryn "jäbırlenuşı tarap" sanalatyn Jaqiianovqa sūhbattyŋ mazmūnyn körsetıp, ol jerdegı aitylǧan faktılerdıŋ şynaiylyǧyna köz jetkızıp aluy kerek eken. Mūny jai adam emes, Jaqiianovtyŋ zaŋgerı jazyp otyr. Eger men Nazarbaev turaly bılgır bır adamnan sūhbat alsam, ony jariialamas būryn Nazarbaevqa körsetıp, sūhbatta aitylǧan jailardyŋ şyndyqqa säikes kelıp-kelmeitının anyqtap otyruǧa tiıs ekenmın. Būqaralyq aqparat qūraldary turaly zaŋda mūndai talap müldem joq, boluy da mümkın emes. Qazaqstan tarihynda sotty bolǧan jurnalisterdıŋ talai ısın kördım. Bıraq, mūndai absurd boluy mümkın ekenın tıptı elestete almai otyrmyn.
Keşegı "ar-ūjdan tūtqyny" atanǧan azamattyŋ qysymyna ūşyraǧan tılşılerge bızdıŋ qūqyqqorǧauşylar men käsıbi jurnalisterdıŋ kömegı auadai qajet dep oilaimyn. Būl jaitqa elımızdegı ädıldık jolynda küresıp jürgen jurnalister, "Ädıl söz" qory, basqa da käsıptık ūiymdar nazar salsa deimın. Sonymen qatar, portaldyŋ jurnalisterı "oppozisiianyŋ aŋyzyna" ainalǧan Jaqiianovtyŋ aldynda bas igısı kelmei otyrǧanyn baiqadym. Sol üşın de olardy qūrmettep, öz sälemımdı joldaǧym keledı.
Būǧan deiın, 2023 jyldyŋ 2-qaŋtary künı “Adyrna” ūlttyq portalynyŋ Iýtub arnasynda "Ǧalymjan Jaqiianovqa senıp edım" degen taqyryppen käsıpker Toqtasynov Tölen Mūhamediūlynyŋ sūhbaty jariialanǧan bolatyn.
https://youtu.be/hqlrELQ3QJw?list=TLGGr7oPD-pJtJ4wMjA4MjAyMw
Sondai-aq, osyǧan deiın Jaqiianovtyŋ jaǧdaiyna qatysty jai-japsar baiandalǧan maqala saitymyzǧa şyqty.
"Adyrna" ūlttyq portaly
Ūqsas jaŋalyqtar
