Qazaqstan Respublikasynyŋ Energetika ministrlıgı Ekıbastūz, Balqaş jäne Aqtau qalalaryn jylumen qamtu jaǧdaiyna qatysty pıkır bıldırdı, dep habarlaidy “Adyrna” ūlttyq portaly Tengrinews.kz saitsna sıltep.
Vedomstvo atap ötkendei, atalǧan qalalarda oryn alǧan oqiǧalar tehnologiialyq būzuşylyqtar retınde sipattalady. Tūtynuşylarǧa jylu berudı toqtatuǧa jol berılmeidı.
«Aǧymdaǧy jyly elımızdıŋ barlyq energiia közderın tūraqty jylumen qamtamasyz etu maqsatynda būryn-soŋdy bolmaǧan auqymdy jūmystar atqaryldy. Sonyŋ arqasynda jylumen jabdyqtauda jappai şekteuler bolǧan jahandyq apattardyŋ aldyn alyndy. Eldıŋ Energetika ministrlıgı jylumen qamtudy baqylauda. Jaǧdaidy anyqtap, energetikalyq nysandardy paidalanu mäselelerı boiynşa jergılıktı atqaruşy organdarmen tyǧyz bailanysta», - dep habarlady vedomstvodan.
Esterıŋızge sala keteiık, Balqaşta 9 jeltoqsanda Abai jäne Äbduǧaliev köşelerındegı jylu jelısınıŋ qūbyry zaqymdanǧan bolatyn.
Ekıbastūzda qazır 8 qazandyq jūmys ıstep tūr, jylu berude üzılıs bolǧan joq.
Aqtauda 11a yqşamaudanynda jylu jelısı zaqymdaldy. Tötenşe jaǧdai aimaǧynda «Kaspii jylu, su arnasy» MKQK mamandary jöndeu jūmystaryn jürgızude. Qala basşysy Ūlyqbek Tnaliev būl mäselenı jeke baqylauynda ūstap otyrǧanyn mälımdedı.
