Aqtöbede oblystyq äkımdık qyzmetkerın 35 jerden pyşaqtap öltırgen qasköidıŋ jazasy auyrlady. Būl turaly KTK telearnasy jariialady, dep habarlaidy “Adyrna” ūlttyq portaly.
Būǧan deiın ol 11 jylǧa sottalǧan bolatyn. Alaida ıstı qaita qaraǧan apelliasiialyq alqa būrynǧy jazaǧa taǧy tört jyl qosyp, sottaluşyny 15 jylǧa bas bostandyǧynan aiyrdy.
Osy kesıp tesılgen dene jaraqattary qosarlana densaulyqqa auyr ziian keltırgen. Işke jäne syrtqa qan köp ketumımen asqynǧan. Sol sebeptı ömırıne qauıp töngen jäne ölımge alyp kelgen, – delıngen sot habarlamasynda.
Marqūmnyŋ tuystary kesılgen jazamen äu basta-aq kelıspegen. Öitkenı bırınşı sot qylmystyq ıstegı asa qatygezdıkpen degen bapty alyp tastap, tek adam öltırgenı üşın sottapty. Bıraq qasköidıŋ marqūmdy pyşaqtaǧan soŋ, es tüssız qansyrap jatqanda qosymşa bauyzdaǧany anyqtaldy. Közıne qan qūiylǧan küdıktı ölı denenı jüksalǧyşqa tyǧyp, ekı kün jürgenı de jan türşıktıredı. Saraptama onyŋ psihikalyq auytqudan ada ekenın de rastaǧan.
Eske salsaq, būl qandy qylmys osydan 4 ai būryn boldy. Qylmysker men jalǧyzbasty ana ǧalamtorda tanysqan. Jıgıt özın boidaq jäne äielden 6 jas ülken ekenın aitady. Alaida aqyrǧy kezdesuınde marqūm köŋıldesınıŋ otbasyly ekenın ūialy telefonyndaǧy suretterden bılıp qalǧan. Sodan tuǧan janjaldyŋ arty ekı balany anasyz qaldyrdy. Oblystyq äkımdıkte jūmys ısteitın äieldıŋ köŋıldesı kölıgınıŋ suyrmasynda jatqan pyşaqty alyp, 35 jerınen sūqqylaǧan.
