Balalardyń betine burysh ballonyn shashqan jasóspirim eki aıǵa qamaýǵa alyndy, dep habarlaıdy "Adyrna" ulttyq portaly.
Jasóspirimge eki bap boıynsha aıyp taǵylǵany málim boldy.
10 shilde kúni ballon arqyly balalardyń densaýlyǵyna zııan keltirgen 16 jastaǵy jasóspirim mamandandyrylǵan tergeý sotyna ákelindi. Qamaýǵa alynǵan sottalýshyǵa qatysty bultartpaý sharasyn sankııalaý týraly ótinishhat túsken.
Mamandandyrylǵan tergeý sotynyń baspasóz qyzmeti jasóspirim mas kúıinde basqa kámeletke tolmaǵan balanyń krossovkasyn urlap, oǵan 16 000 teńge kóleminde materıaldyq shyǵyn keltirgenin habarlady. Osydan keıin jasóspirim buzaqylyq nıetpen balalardyń betine burysh balonyn shashqan. Munyń bárin ózi vıdeoǵa túsirip otyrǵan kórinedi. Sotta jetkinshektiń elden tys jerde jasyrynbaq bolǵany, biraq Batys Qazaqstan oblysynyń aýmaǵynda ustalǵany aıtyldy.
"16 jastaǵy jasóspirim basqa eldiń azamaty bolyp shyqty, sot ol bostandyqta júrgende qylmystyq jaýapkershilikten jaltarý úshin qylmystyq qýdalaý organy men sottan jasyrynýy múmkin dep sheshti. Oǵan qatysty eki aı merzimge qamaýǵa alý túrindegi bultartpaý sharasy qoldanyldy", - delingen sot materıalynda.
