Aqtóbe qalalyq máslıhatynyń depýtaty Sanııa Muratova mandatynan bas tartý úshin saılaý komıssııasyna aryz túsirdi, dep habarlaıdy “Adyrna” ulttyq portaly QazAqparatqa silteme jasap.
Aıta ketsek, Sanııa Muratova mas kúıinde rýlge otyryp, jol-kólik erejesin buzǵan.
Sanııa Muratova óz mandatynan bas tartatynyn aıtyp, keshe aryz jazdy. Zań boıynsha depýtat 8 túrli sebeppen óz ókilettiligin toqtata alady. Shetelge nemese basqa aımaqqa kóship ketse, Qazaqstan azamaty bolmasa, depýtattyq qyzmetin atqarmasa, qylmystyq jaýapqa tartylyp, jazalansa, sot sheshimimen mandatynan aıyrylsa da qalalyq máslıhatqa usynys jiberiledi. Sheshimdi qalalyq máslıhat qabyldaıdy,- dedi Aqtóbe qalalyq aýmaqtyq saılaý komıssııasynyń tóraǵasy Dına Qalmaǵambetova.
Búgin komıssııa sheshim qabyldap, usynys jiberedi.
Aqtóbe qalalyq aýmaqtyq saılaý komıssııasyna aryz túsirgen soń bizge usynys jiberiledi. Sessııada qaralyp, depýtattar sheshim qabyldaıdy,- dedi Aqtóbe qalalyq máslıhatynyń tóraǵasy Anar Darjanova.
Sanııa Muratova depýtattyq ókilettiligin toqtatsa, saılaýdan 60 kún buryn qaýly shyǵarylady. Sodan keıin bir okrýgte saılaý ótedi.
